१ किलो सोने चोरून पळालेल्या भामट्याला पोलिसांनी पकडले,सर्व सोनेही केले हस्तगत.

पुणे- एक किलो सोने चोरी करुन, पोलीसांना गुंगारा देणा-या भामट्याला शिताफिने पकडुन,त्याच्याकडून एकुण १ कोटी २७ लाख रुपयांचे सुमारे एक किलो सोने पोलिसांनी हस्तगत केले आहे.
दिनांक १६/१०/२०२५ प्रिसियस रिफायनरी, ७७६ बुधवार पेठ पुणे येथील दुकानात कामाला असलेल्या कामगाराने दुकानातील लॉकरमध्ये ठेवलेले १०० ग्रॅम वजनाचे, १० नग सोन्याचे बिस्कीट (एक किलो शुध्द सोने) लॉकरमधुन चोरी केल्याबाबत फरासखाना पोलीस स्टेशन गु.र.नं. १९८/२०२५ भा.न्या.सं.क. ३०६ प्रमाणे गुन्हा दाखल करण्यात आलेला होता.
दाखल गुन्हयाचे गांर्भीर्य लक्षात घेता पोलीस उप-आयुक्त कृषिकेश रावले यांनी फरासखाना प्रभारी अधिकारी उत्तम नामवाडे यांना आदेशीत करुन, तपास पथकातील पोलीस उप-निरीक्षक अरविंद शिंदे व पोलीस अंमलदार यांची टीम तयार करुने यातील कामगार आरोपी प्रथमेश गणेश मंडले वय १८ वर्षे, रा. पाचेगांव बुग्रा. ता. सांगलो, जिल्हा. सोलापुर यांचा शोध घेण्यास सुरुवात केली असता, त्याने त्याचा मोबाईल क्रमांक बंद करुन ठेवल्यामुळे, तो त्याचे अस्तीत्व तसेच राहण्याचे ठिकाण वारंवार बदलुन, सातारा, सांगली, सोलापुर, कोल्हापुर, विजापुर कनार्टक राज्य, आंध्रप्रदेश येथील विजयवाडा याभागात त्याचा पाठलाग करुन, अखेर त्यास जत जिल्हा सांगली येथुन ताब्यात घेवुन, त्यास दाखल गुन्हयात दि.२९/१०/२०२५ रोजी अटक करण्यात आली. त्याचेकडे अधिक तपास केला असता त्याने वेग-वेगळ्या ठिकाणी लपवुन ठेवलेले सोने तसेच काही सोने कोल्हापुर येथील कारागीर शकील बशीर मोमीन वय ४५ वर्षे, रा. ८४० लाईन बाजार, छावा गल्ली, कोल्हापुर यास विक्री केले होते. त्या कारागीरास देखील दाखल गुन्हयात दि.१०/११/२०२५ रोजी अटक करुन एकुण १,२७,००,०००/- रु. किंमतीचे सर्व एक किलो वजनाचे सोने हस्तगत करण्यात फरासखाना पोलीस स्टेशन येथील तपास पथकातील अधिकारी व पोलीस अंमलदार यांना यश आले आहे. पुढील तपास अरविंद शिंदे, पोलीस उप-निरीक्षक हे करीत आहेत.
ही कामगिरी अपर पोलीस आयुक्त, पुर्व व पश्चिम प्रादेशीक विभाग मनोज पाटील, पोलीस उप-आयुक्त, परि-१ कृषिकेश रावले, सहायक पोलीस आयुक्त अनुजा देशमाने यांचे मार्गदर्शनाखाली वरीष्ठ पोलीस निरीक्षक (अति. कार्य.) उत्तम नामवाडे यांचे सुचनांप्रमाणे सहा. पोलीस निरीक्षक वैभव गायकवाड, पोलीस उप-निरीक्षक अरविद शिदे, पोलीस अंमलदार कुष्णा निढाळकर, महेबुब मोकाशी, नितीन तेलंगे, गजानन सोनुने, नितीन जाधव, चेतन होळकर, अर्जुन कुडाळकर, तानाजी नांगरे, महेश राठोड, प्रविण पासलकर, विशाल शिंदे, महेश पवार, शशीकांत ननावरे, सुमित खुट्टे, प्रशांत पालांडे व मनिषा पुकाळे यांनी केलेली आहे.