कात्रजमध्ये अफू विकणाऱ्या देवीलालला पकडले

पुणे- पुणे पोलिसांनी कात्रज मध्ये अफू विकणाऱ्या देवीलाल ला अखेरीस बेड्या घातल्या असून त्याच्याकडून ३,३०,७२०/- रु. किं. चे अफिम जप्त केले आहे . या संदर्भात पोलिसांनी सांगितले कि,’दिनांक १२/११/२०२५ रोजी गुन्हे शाखा युनिट २ कडील पोलीस अधिकारी व अंमलदार हद्दीत गुन्हे प्रतिबंधक पेट्रोलींग करीत असताना पोलीस अंमलदार योगेश मांढरे यांना बातमी मिळाली की, दळवीनगर, कात्रज आंबेगाव पुणे येथे सार्वजनिक रोडवर एक इसम अफिम सारख्या अंमली पदार्थाची विक्री करीत आहे.
मिळालेल्या गोपनिय बातमीचे अनुषंगाने पोलीस उप-आयुक्त निखिल पिंगळे यांचे मार्गदर्शनाखाली गुन्हे शाखा युनिट २ प्रभारी अधिकारी पोलीस निरीक्षक संतोष सोनवणे, सहा. पोलीस निरीक्षक अमोल रसाळ व अंमलदार यांनी गोल्विग स्टार ब्युटी पार्लर दुकानासमोरील दळवीनगर, आंबेगाव येथील सार्वजनिक रोडवर छापा कारवाई करुन देविलाल शंकरलाल आहिर वय ४३ वर्ष रा. पहिला मजला ग्रीन अॅलीव्हीम बिल्डिंग, दळवीनगर, कात्रज पुणे यांस ताब्यात घेतले. त्याचेकडे ३,३०,७२०/-रु.किं.चा १६५.३६ ग्रॅम अफिम हा अंमली पदार्थ मिळून आला असता तो जप्त करण्यात आला आहे.
या बाबत आंबेगाव पोलीस स्टेशन पुणे येथे गु.र.नं. २९८/२०२५ एनडी पी एस अॅक्ट ८ क १७ ब अन्वये गुन्हा दाखल करण्यात आला असून देवीलाल याला या गुन्हयात अटक करण्यात आली आहे.
सदरची कामगिरी अपर पोलीस आयुक्त गुन्हे पंकज देशमुख, पोलीस उप-आयुक्त गुन्हे निखील पिंगळे, सहा. पोलीस आयुक्त गुन्हे विजय कुंभार यांचे मार्गदर्शनाखाली गुन्हे शाखा युनिट २ कडील वरिष्ठ पोलीस निरीक्षक संतोष सोनवणे, सहा. पोलीस निरीक्षक रसाळ, सहा. पोलीस निरीक्षक कवठेकर, पोलीस अंमलदार जाधव, मोकाशी, टकले, पवार, राख, सरगर, कुंभार, मांढरे, नेवसे, ताम्हाणे, थोरात, दळवी, आबनावे शेख, तांबोळी व वगारे यांनी केली आहे.