बाजीराव रस्त्यावरील जुगार अड्डयावर छापा: ९ जण पकडले

पुणे- बाजीराव रस्त्यावर फुटक्या बुरुजा जवळील फ्लॅट मध्ये गेली काही वर्षे सुरु असलेल्या जुगार अड्डयावर पोलिसांनी छापा मारून कारवाई केली आहे.
विश्रामबाग पोलीस स्टेशन हद्दीमध्ये, श्रीपाद चेंबर्स कमर्शियल प्रिमायसेस, को. हौसिंग सोसायटी, पहिला मजला प्लॅट ०३, बाजीराव रोड फुटका बुरुज चे समोर बंद सदनिका मध्ये मोठ्या प्रमाणात जुगार अड्डा चालू असल्याची माहिती पोलीस अंमलदार सचिन कदम यांना मिळाली असता त्यांनी हीबातमी तपास पथकातील सहा. पोलीस निरीक्षक राजेश उसगावकर यांना सांगितली. त्यांनी ही बातमी वरिष्ठ पोलीस निरीक्षक प्रदिप कसबे यांना सांगितली असता त्यांनी सहाय्यक पोलीस आयुक्त विश्रामबाग विभाग, पुणे शहर यांची पुर्व परवानगी घेवुन या ठिकाणी जावुन कारवाई करण्याबाबतचे तोंडी आदेश सहायक पोलीस निरीक्षक राजेश उसगावकर यांना दिले. त्यांनी या आदेशान्वये स्टाफसह या ठिकाणी जावुन बातमीच्या अनुषंगाने खातरजमा केली असता सदर ठिकाणी एकुण ०९ इसम हे पत्याचे पानाने पैसे लावून हार जितीचा रम्मी हा जुगार खेळ खेळत असताना मिळुन आले.
सदर ठिकाणी सदरचे इसम हे जुगाराचे साहित्यासह मिळुन आल्याने त्यांच्याविरुध्द विश्रामबाग पोलीस स्टेशन गु.र.नं. ३०३/२०२५ महाराष्ट्र जुगार प्रतिबंधक कायदा कलम ४,५ अन्वये गुन्हा दाखल करण्यात आलेला असुन एकुण २,०९,१००/-रु.कि.चा मुद्देमाल जप्त करण्यात आलेला आहे. सदर गुन्हयाचा तपास पोलीस हवालदार सचिन कदम विश्रामबाग पोलीस स्टेशन, पुणे शहर हे करीत आहेत.
सदरची कारवाई अपर पोलीस आयुक्त, पश्चिम प्रादेशिक विभाग राजेंद्र बनसोडे, पोलीस उप-आयुक्त परिमंडळ ०१ कृषिकेश रावले, सहा. पोलीस आयुक्त साईनाथ ठोंबरे यांच्या मार्गदर्शनाखाली वरिष्ठ पोलीस निरीक्षक विश्रामबाग पोलीस स्टेशन प्रदिप कसबे, पोलीस निरीक्षक (गुन्हे), अरुण घोडके यांचे सुचनांप्रमाणे सहा. पोलीस निरीक्षक राजेश उसगावकर, पोलीस अंमलदार सचिन कदम, गणेश काठे, आशिष खरात, अनिस शेख, शिवदत्त गायकवाड, अर्जुन थोरात, नितीन बाबर व सागर मोरे यांनी केलेली आहे.