पुणे- दि.१२/११/२०२५- पुणे महापालिका ३७ किलोमीटर लांबीच्या रस्त्यांसाठी ९८२ कोटी रुपये खर्च करत असून यातील १२ किमी रस्त्यांची कामे पूर्ण झाल्याची माहिती येथे महापालिकेच्या वतीने देण्यात आली .एकूण १९ कामात ३७ किमी चे रस्ते होणार असून त्यात कॉक्रीट रस्ता, डीवायडर, फुटपाथ, पावसाळी लाईन ड्रेनेज लाईन, स्ट्रीट पोल चा समावेश आहे. रुंदीकरणातील जागा ताब्यात घेण्यासाठी TDR चा वापर करण्यात येणार आहे.
पुणे महानगरपालिकेने शहरातील प्रमुख रस्ते तसेच पुल पीपीपी तत्वावर खाजगी सहभागातुन डेव्हलपमेंट क्रेडिट नोटच्या मोबदल्यामध्ये विकसित करण्याचा निर्णय यापुर्वी घेतलेला आहे. त्यानुसार अंदाजपत्रकीय तरतुदीमध्ये पीपीपी तत्वावर करावयाच्या डी.पी. रस्त्याची व पुलांची नावे मान्य आहेत. यापैकी ज्या कामाना पीपीपी तत्वावर प्रतिसाद मिळु शकतो याबाबत विचार विनीमय होऊन महापालिका आयुक्त यांच्या मान्यतेने तसेच स्थायी समिती ठराव क्र. 936 दि.05/01/2021 मान्यतेने पीपीपी तत्वावर रस्ते व पुल विकसित करण्याच्या धोरणास आणि त्यानुसार संबंधित कानास विहित मान्यता यापुर्वी प्राप्त झालेली आहे. त्याअनुषंगाने पुणे शहरातील विविध रस्ते व पूल पी.पी.पी. तत्वावर विकसित करण्यासाठी कामे हाती घेण्यात आलेले आहे. त्या अनुषंगाने अतिरिक्त महापालिका आयुक्त (वि.) ओमप्रकाश दिवटे यांचेकडून या कामांबाबत आढावा बैठक आज दि. १२/११/२०२५ रोजी घेण्यात आली.
पुणे शहरात पीपीपी तत्वावर एकूण १९ कामे प्रस्तावित असून त्यांची एकूण रक्कम रुपये सुमारे ९८२ कोटीची कामे सुरु आहेत. सदरची कामे प्रामुख्याने खराडी, मुंढवा, लोहगाव, महंमदवाडी, कोंढवा, बावधान, बाणेर, कात्रज इ. भागामधील आहेत. सदर १९ कामामधून सुमारे ३७ कि.मी. लांबीची रस्त्याची कामे करण्यात येणार आहे. या कामामध्ये कॉक्रीट रस्ता, डीवायडर, फुटपाथ, पावसाळी लाईन ड्रेनेज लाईन, स्ट्रीट पोल इ. कामे अंतर्भूत आहेत. सद्यस्थितीमध्ये सुमारे १२ की.मी. ची कामे पूर्ण झालेली असून उर्वरित कामे प्रगती पथावर आहे. सदर कामामधील रस्ता रुंदीकरणातील जागा ताब्यात येणे करिता संबधित विभागाशी समन्वयसाधून जागा टी.डी.आर पोटी ताब्यात घेणे बाबत ची कार्यवाही तातडीने सुरु करण्याचे आदेश पथ विभागास अतिरिक्त महापालिका आयुक्त (वि.) यांनी दिले. तसेच संबधित जागा मालकांसमावेत बैठकीचे आयोजन करण्याच्या सूचना दिल्या. तसेच क्रेडिट नोट खर्ची प्रक्रिया बाबत संगणकीकरण करण्याचे सूचना दिल्या.यावेळी पुणे शहरातील प्रमुख मिसिंग लिंक बाबतदेखील चर्चा करण्यात आली.
या रस्त्यांचा डी.पी.आर. तयार करण्याबाबत तातडीने कार्यवाही करणेस सूचनाअतिरिक्त आयुक्तांनी दिल्या आहेत . संबधित कामांचा डी. पी. आर. प्राप्त झाल्यांनतर सदरचे कामे पीपीपी अथवा अन्य मार्गाने तरतूद उपलब्ध करून करण्या बाबतचे धोरणात्मक निर्णय घेण्यात येईल असेही महापालिकेने म्हटले आहे.
