बाणेर मध्ये’फार्म कॅफे’ शेतातल्या हुक्का बारवर छापा

पुणे- बाणेर येथे अनाधिकृतपणे शेतात चालु असलेल्या हुक्का बारवर कारवाई करुन पोलिसांनी ४८६५०/-रु. किं.चा मुददेमाल केला जप्त केला . आणि जागा मालक याच्यासह ५ जणांवर गुन्हा दाखल केला .
चतुःश्रृंगी पोलीस स्टेशन, पुणे शहर हद्दीमध्ये दिनांक ०८/११/२०२५ रोजीचे कॉम्बींग ऑपरेशन मोहिमेदरम्यान तपास पथक मधील स्टाफ व पोलीस अधिकारी यांना माहिती मिळाली की, फार्म कॅफे, सर्वे नं.२२४, औंध बाणेर लिंक रोड, बाणेर पुणे ४५ येथील शेतामध्ये अनाधिकृतपणे हुक्का बार चालु आहे त्यामुळे त्यांनी या ठिकाणी जावुन मिळालेल्या बातमीची खात्री करुन सदर ठिकाणी छापा टाकला . या कॅफेमध्ये ग्राहकांना धुम्रपानासाठी अवैधरीत्या तंबाखुजन्य हुक्का पुरवुन व जवळ बाळगुन हुक्का बार चालवित असताना मिळुन आल्याने एकुण ५ आरोपी विरुध्द त्यामध्ये जागा मालक व मॅनेजर व कामगार यांचेविरुध्द चतुः श्रृंगी पोलीस स्टेशन, पुणे शहर, गु.र.नं.४४७/२०२५, सिगारेट व अन्य तंबाखुजन्य उत्पादने (महाराष्ट्र सुधारणा) अधिनियम- २०१८ चे कलम ४ (अ), २१ (अ) प्रमाणे गुन्हा दाखल करुन त्यामध्ये २० हुक्का पॉट, तबाखुजन्य हुक्का फलेवर व इतर साहित्य असा एकुण-४८,६५०/-रुपये किंमतीचा मुददेमाल हस्तगत करण्यात आलेला आहे. तसेच दाखल गुन्हयाचा अधिक तपास हा सहा. पो. निरीक्षक अनिकेत पोट चतुःश्रृंगी पोलीस स्टेशन, पुणे शहर हे करीत आहेत.
तसेच सदरची कामगिरी ही अपर पोलीस आयुक्त,मनोज पाटील, पोलीस उप-आयुक्त, परिमंडळ ४ पुणे शहर सोमय मुंडे, सहा. पोलीस आयुक्त, विठठल दबडे, वरिष्ठ पोलीस निरीक्षक उत्तम भजनावळे, पोलीस निरीक्षक (गुन्हे) श्रीमती आश्विनी ननावरे, यांचे मार्गदर्शनाखाली तपास पथकाचे अधिकारी, सहा.पो.निरीक्षक अनिकेत पोटे, पोलीस अंमलदार बाबासाहेब दांगडे, इरफान मोमीन, श्रीकांत वाघवले, बाबुलाल तांदळे, वाघेश कांबळे, तुषार गिरंगे यांनी केली आहे.