पुणे- भाजपचे ज्येष्ठ नेते आणि राज्याचे मंत्री तसेच भाजपचे युवा नेते आणि केंद्रीय राज्य मंत्री पदावर आरूढ असलेले मुरलीधर मोहोळ यांच्या बसण्याच्या खुर्चीवरून अवघ्या १६ सेकंदात जे काही पोलीस आयुतालयात दिसले त्यावरून मोहोळ यांच्या मनाचा मोठेपणा स्पष्ट दिसून आला . हा मोठेपणा मोहोळ यांनी सर्वच क्षेत्रात बाळगला असावा अशी चर्चा यावेळी रंगली आणि मोहोळ यांच्या अतिशय छोट्या प्रसंगाने त्यांची लोकप्रियता देखील समोर आली . पुण्यात वाढत्या गुन्हेगारीच्या पार्श्वभूमीवर मंत्री चंद्रकांत पाटील आणि केंद्रीय राज्यमंत्री मुरलीधर मोहोळ यांनी पोलीस आयुक्त अमितेश कुमार यांची भेट घेऊन शहरातील कायदा आणि सुव्यवस्थेचा आढावा घेतला. दरम्यान, या बैठकीतील हा एक किस्सा सध्या चांगलाच चर्चेत आला आहे.
बैठकीच्या सुरुवातीला मोहोळ आणि पाटील यांच्यात खुर्चीवरून संवाद झाला. यावरुन राजकीय वर्तुळात चर्चांना उधाण आले आहे.
सकाळी दहा वाजता हे दोन्ही नेते पोलीस आयुक्तालयात दाखल झाले आणि या बैठकीला सुरुवात झाली. बैठकीला सुरुवात होण्यापूर्वी दालनात बैठक व्यवस्थेसाठी मांडण्यात आलेल्या खुर्चीवरून एक मिश्किल प्रसंग घडला. दालनातील मुख्य आणि मधल्या खुर्चीवर कोण बसणार यावरून दोन्ही नेत्यांमध्ये मिश्किल प्रसंग झाला. यावेळी चंद्रकांत पाटील मुरलीधर मोहोळ यांना म्हणाले, “तुम्ही बसा प्रोटोकॉल आहे नाहीतर मला दिल्लीवरून नोटीस येईल बाकी काही नाही,” यावर खासदार मुरलीधर मोहोळ म्हणाले, “असं काही नाही, मी असं केलं तर माझी नोकरी जाईल.” बैठकीपूर्वी घडलेला हा मिश्किल प्रसंग कॅमेरा मध्ये कैद झाला.
