खासदार क्रीडा महोत्सवातील रोलबॉलमध्ये मारली बाजी
पुणे, ता. ७ – स्केट मास्टर्स संघाने केंद्रिय सहकार व नागरी विमान वाहतूक राज्यमंत्री आणि पुण्याचे खासदार मुरलीधऱ मोहोळ यांच्या पुढाकाराने होत असलेल्या पहिल्या खासदार क्रीडा महोत्सवातील रोलबॉल स्पर्धेतील १७ वर्षांखालील मुलींच्या गटात विजेतेपद पटकावले.
या स्पर्धेत स्केट मास्टर्स संघाने महेश बालभवनला ४-१ने पराभूत करून जेतेपद निश्चित केले. स्केट मास्टर्स संघाकडून प्रांजल जाधवने दोन, तर अनया भिंगेने दोन गोल केले. महेश बालभवन संघाकडून केवळ आर्या वाळूजला गोल करता आला. महेश बाल भवन संघ दुसऱ्या क्रमांकावर राहिला, तर सेंट उर्सुला स्कूलने तिसरा क्रमांक मिळवला. स्पर्धेचे उद्घाटन मोनिकाताई मोहोळ यांच्या हस्ते करण्यात आले. या वेळी महाराष्ट्र रोलबॉल संघटनेचे अध्यक्ष संदीप खर्डेकर, संघटनेचे राजेंद्र दाभाडे, नगरसेविका स्वप्नाली सायकर , नगरसेविका ज्योती कळमकर, मंडल अध्यक्ष लहू बालवडकर, राहुल कोकाटे, प्रकाश बालवडकर, दिनेश माथवड, सचिन पाषाणकर, रोहन कोकाटे, सचिन दळवी व भाजप पदाधिकारी, खेळाडू उपस्थित होते. विजेत्यांना रोख पारितोषिक, मानचिन्ह आणि प्रशस्तिपत्रक देऊन गौरविण्यात आले.
निकाल : १७ वर्षांखालील मुली – स्केट मास्टर्स – २ (प्रांजल जाधव – २ गोल) वि. वि. सेंट उर्सुला – ०; महेश बालभवन अ – ५ (प्रज्ञा मारणे २, रिद्धी निकटे १, आर्या वाळूंज १, श्रुती कदम १) वि. वि. महेश बालभवन ब – ०; स्केट मास्टर्स – ८ (अनया भिंगे ३, सारा शेख ३, प्रांजल जाधव १, सई गुळवणी १) वि. वि. महेश विद्यालय ब; महेश बालभवन अ – ६ (श्रुती कदम ३, प्रज्ञा मारणे १, रिद्धी निकटे १, आर्या वाळूंज १) वि. वि. सेंट उर्सुला -०.
मुले – महेश बालभवन – १ (हिमांशू मळेकर १) वि. वि. सुलोचना नातू – ०; एसजीएआय – २ (अज्ञान सय्यद १, श्रुणू भंडारी १) वि. विय महेश बालभवन ब -०; महेश बालभवन अ – १० (अंकित भिंगे ३, यथार्थ जिजोडिया २, विशाल चौधरी २, समर्थ परमशेट्टी १, युवराज कदम १, श्री गरड १) वि. वि. सिटी इंटरनॅशनल स्कूल – ०; परांजपे विद्यामंदिर – ४ (सिद्धार्थ महाडिक २, रुद्रराज तांगडे २) वि. वि. महेश बालभवन ब – १ (सोहेल गुंजाळ १); परांजपे विद्यामंदिर – ५ (रुद्रराज तांगडे २, आदित्य शिंदे १, सिद्धार्थ महाडिक १, कल्पित धनगर १) वि. वि. एसजीएआय – ०; महेश बालभवन – ५ (युवराज कदम २, यथार्थ जिजोडिया १, श्री गरड १, समर्थ परमशेट्टी १) वि. वि. एसजीएआय – १ (अज्ञान सय्यद १); परांजपे विद्यामंदिर – २ (कल्पित सनगर १, रुद्रराज तांगडे १) वि. वि. सिटी इंटरनॅशनल स्कूल – ०.
