कुठलीही राजकीय किंमत मोजावी लागली तरी चालेला, जैन धर्मियांना न्याय मिळवून देईल.फडणवीस जैन धर्मियांना दुखावणार नाहीत हा विश्वास आहे .भाजपचे सच्चे कार्यकर्ते माझ्याबरोबर ..माझी भूमिका सर्वांना पटलेली आहे , जैन मंदिर पाहिजेच
पुणे-केंद्रीय राज्यमंत्री मुरलीधर मोहोळ (Murlidhar Mohol) यांनी काल (शुक्रवारी) माध्यमांशी बोलताना दिलेल्या उत्तरानंतर (Pune Politics) धंगेकरांनी सोशल मिडीयावर पोस्ट करत मोहोळ यांच्यावर जोरदार हल्लाबोल केला आहे.(Dhangekar on Mohol)माझ्यावर एकही गुन्हा नाही, असे त्यांनी धडधडीत खोटे ऑन कॅमेरा सांगितले होते .पण हा घ्या पुरावा त्यांच्यावर ॲट्रॉसिटी सारखा गुन्हा देखील दाखल आहे असे शिवसेनेचे महानगरप्रमुख रवींद्र धंगेकर (Ravindra Dhangekar) यांनी आज म्हटले आहे.
धंगेकरांनी सोशल मिडीयावर पोस्ट करत मोहोळ यांच्यावर जोरदार हल्लाबोल केला आहे.
मुरलीधर मोहोळ यांनी काल माध्यमांशी बोलताना म्हटलं होतं, रोज सकाळी तुम्ही तिथे जाता, ते बोगस ट्विट करतात आणि तुम्ही ते दाखवता. त्यांच्याकडून प्रत्येक गोष्टीचा पुरावा मागा. व्यक्तिगत दोष, आकास यामधून हे बोललं जात आहे. बोगस कार्यक्रम चालला आहे त्याचा, कागद दाखवा, पुरावे दाखवा आणि मग बातमी दाखवा. मला या माणसाबद्दल काही बोलायचं नाही. २०११ मध्ये जमीन हडपली म्हणून त्याच्यावर गुन्हा दाखल आहे. त्यांच्यावर १० गुन्हे दाखल आहेत, माझ्यावर एकही नाही, त्यांना काय काम धंदा नाही असं म्हटलं होतं, त्यावर आता पुराव्यांसह धंगेकरांनी मोहोळ यांच्यावर असलेल्या गुन्ह्यांची यादी दिली आहे.
अगदी ॲट्रॉसिटीसारखा गुन्हा देखील मुरलीधर मोहोळ यांच्यावर दाखल
धंगेकरांनी त्यांच्या सोशल मिडीयावर पोस्ट केली आहे. त्यामध्ये त्यांनी म्हटलंय, अतिशय सुसंस्कृत व सरळमार्गी वाटणारे मुरलीधर मोहोळ हे कशा पद्धतीने खोटे बोलतात याचे उदाहरण मी तुम्हाला देतो. काल माध्यमांशी बोलताना त्यांनी सरळ सांगितले की त्यांच्यावर एकही गुन्हा नाही. मी या ट्विट सोबत आपल्याला त्यांच्या इलेक्शन एफिडेविट मधील पानांची कॉपी जोडतोय त्यांच्यावर किती गुन्हे आहेत ते कशाकशा संदर्भात आहेत अगदी ॲट्रॉसिटी सारखा गुन्हा देखील मुरलीधर मोहोळ यांच्यावर दाखल आहे.
मला माहित आहे, राजकीय कार्यकर्ता म्हटलं की गुन्हे असतात. काही हेतूपरस्पर केलेले असतात काही आंदोलनातले असतात. परंतु केवळ बदनामी करण्यासाठी माझ्यावर 13 केसेस आहेत आणि त्यांच्यावर एकही नाही असं ज्यावेळेस आपण बोलतो त्यावेळेस आपण त्या प्रेसची सुद्धा फसवणूक करत असतो आणि तमाम पुणेकरांची देखील फसवणूकच करत असतो, हे एका केंद्रीय राज्यमंत्री व खासदाराला अशोभनीय आहे, बाकी थेट जमीन चोरांचा थेट सहभाग असलेली २ प्रकरणे घेऊन लवकरच भेटुयात!
