‘PMC ने एवढा मोठा प्रकल्प एक महिना आधीच कसा मंजूर केला? कोणी या प्रकरणाचा पाठपुरावा केला ? आणि का?
पुणे-जैन ट्रस्ट – मॉडेल कॉलनी येथील साडेतीन एकराच्या भूखंड खरेदी प्रकाराचे सामाजिक आणि राजकीय पडसाद उमटत असताना आता याच भूखंडावर एका आर्किटेक्टला भूखंड खरेदी व्यवहार होण्या अगोदरच महापालिकेने ८ लाख चौ. फुटाच्या इमारतीला बांधकाम परवानगी दिल्याचा प्रकार उघडकीस आला आहे.
जैन ट्रस्ट – मॉडेल कॉलनीला खरेदीखतापूर्वीच इमारत बांधकाम परवानगी दिली गेल्याचे या व्हायरल नकाशावरून दिसते आहे. ट्रस्टीने इमारत बांधकाम परवानगीसाठी अर्ज खरेदीखताआधीच का आणि कसा केला ? या प्रश्नासमवेत म्हणजेच सर्व प्रक्रिया, मंजुरी आणि कागदपत्रांची पूर्तता खरेदी डील फायनल होण्याआधीच झाली होती असे दिसते आहे मग 8 ऑक्टोबर 2025 रोजी झालेली नोंदणी आणि मॉर्गेज हा फक्त दिखावा (eyewash) होता का? PMC ने एवढा मोठा प्रकल्प एक महिना आधीच कसा मंजूर केला? कोणी या प्रकरणाचा पाठपुरावा केला ? आणि का? असे प्रश्न यानिमित्ताने उपस्थित होत आहेत .
हा बांधकाम परवाना देताना नकाशावर .. प्रकल्पाचे नाव: सेठ हिराचंद नेमचंद स्मारक ट्रस्ट, मॉडेल कॉलनी मालक:SETH HIRACHAND NEMCHAND SMARAK TRUST (Through Mr. Jayant Narayan Nandurkar – Trustee) आर्किटेक्ट: मनोज सुरेश ताटूस्कर मंजुरीची तारीख:8 सप्टेंबर 2025 नोंदणी व मॉर्गेज तारीख:8 ऑक्टोबर 2025 एकूण बांधकाम:2 इमारती, 77,458.17 चौ.मी. (सुमारे 8 लाख चौ.फुट) FSI:3.53
असेही नोंदविले गेलेले आहे.
विजय कुंभार (आम आदमी पार्टी )
