पुणे- वर्तमान पत्रातील ‘छोट्या जाहिराती’ या सदराचा वापर करून हातोहात फसविणाऱ्या टोळ्या वर्षानुवर्षे कार्यरत असून आज अशाच एका “वर पाहिजे” अशा जाहिराती द्वारे एकाला साडेअकरा लाखाला गंडा घालणारी महिला पोलिसांनी पकडली आहे. आणि यात लुबाडल्या गेलेल्या फिर्यादी ला त्याची सुमारे साडेअकरा लाखाची रक्कमही परत मिळवून दिली आहे.आरोपपत्र हि पोलिसांनी दाखल केले आहे .आणि आता या महिलेला न्यायालयाने जामीनही मंजूर केला आहे.
या संदर्भात पोलिसांनी सांगितले कि,’दिनांक १८/०४/२०२५ रोजी फिर्यादी त्यांचे राहते घरी असताना सकाळ टुडे पेपरमध्ये “वर पाहिजे” अशी अॅड पाहुन तेथे दिलेल्या मोबाईल क्रमांकावर फिर्यादी यांनी संपर्क केल्यानंतर समोरुन आकांशा पाटील बोलत असल्याचे सांगुन, फिर्यादी यांना दुस-या मोबाईलवर सपंर्क करायला सांगुन, ममता जोशी या वधु असतील असे सांगून, त्यांना सपंर्क करण्यास सांगितलेने फिर्यादी यांनी त्यांना मोबाईलवर संपर्क केला असता, त्यांनी ममता जोशी बोलत असल्याचे सांगून फिर्यादीशी फोनवर बोलून त्यांचा विश्वास संपादन केला. त्यानंतर तिने ती कोल्हापुर येथे तिची मावस बहिण आजारी असल्याने तिकडे गेले असल्याचे सांगुन, तिची मावस बहिण आजारी आहे, तसेच काही दिवसानंतर तिचा स्वतः चा अपघात झाला असून तिच्या पायाला दुखापत झाली आहे. उपचाराकरीता पैश्यांची आवश्यकता आहे, ती पुण्याला परत आल्यानंतर पैसे परत देईल असे खोटे सांगुन, युपीआय आयडी वरती वारंवार पैसे पाठविण्यास भाग पाडून दिनांक १८/०४/२०२५ ते दिनांक ०१/०६/२०२५ रोजीच्या दरम्यान फिर्यादीस ११,४५,३५०/-रु.ऑनलाईन ट्रान्सफर करण्यास सांगुन, फोनपे मर्चेंट यांचे बँक खात्यामध्ये ट्रान्सफर करुन फिर्यादी यांची ११,४५,३५०/-रु. किं.ची ऑनलाईन आर्थिक फसवणुक केली. सदरबाबत फिर्यादी यांनी तक्रार दिलेने बिबवेवाडी पोलीस स्टेशन येथे गु.र.नं.१५५/२०२५ भा. न्या. सं क. ३१८ (४), ३१९ (२), ३(५) सह माहीती तंत्रज्ञान कायदा कलम ६६ (डी) प्रमाणे गुन्हा दाखल आहे.
या गुन्हयातील आरोपी महिलेचा वरिष्ठ अधिकारी यांचे सुचनेनुसार शोध चालू असताना बिबवेवाडी पोलीस स्टेशनकडील सायबर टीमने तांत्रिक विश्लेषणाव्दारे महिला आरोपी हर्षला राकेश डेंगळे, वय २८ वर्षे, रा. प्लॉट नं.२०, हुडकेश्वर रोड, पुण्यधाम मंदिर जवळ, न्यु ओमनगर हुडकेश्वर नागपूर असल्याचे निष्पन्न झाले. या महिलेस नोटीस पाठवुन गुन्हयाच्या तपासकामी हजर राहणेबाबत कळविले असता ती पोलीस स्टेशन येथे हजर झाली. पोलीस निरीक्षक (गुन्हे) सुरज बेंद्रे यांनी तिच्याकडे या गुन्हयाबाबत तपास करता तिने संबधित गुन्हा केल्याचे निष्पन्न झाले. या महिलेने गुन्हा करण्यासाठी वापरलेले तीन मोबाईल जप्त केलेले आहेत. तसेच फिर्यादी यांनी फसवणूक करून घेतलेली रक्कम ११,४५,३५०/-रूपये ही पुन्हा फिर्यादी यांना परत मिळवून दिलेली आहे. या महिलेला दि.१५/१०/२०२५ रोजी चार्जशीटसह न्यायालयात हजर केले असता न्यायालयाने या महिलेला जामीन मंजुर केलेला आहे. गुन्हयाचा पुढील तपास पोलीस निरीक्षक गुन्हे सुरज बेंद्रे हे करीत आहेत.
सदरची कामगिरी अपर पोलीस आयुक्त पुर्व प्रादेशिक विभाग पुणे शहर मनोज पाटील, पोलीस उप-आयुक्त परिमंडळ ५ पुणे शहर राजकुमार शिदे, सहा. पोलीस आयुक्त वानवडी विभाग पुणे शहर धन्यकुमार गोडसे यांचे मार्गदर्शनाखाली वरिष्ठ पोलीस निरीक्षक बिबवेवाडी पोलीस स्टेशन पुणे शहर श्रीमती अश्विनी सातपुते, पोलीस निरीक्षक गुन्हे सुरज बेद्रे यांचे सुचनांप्रमाणे पोलीस अंमलदार संतोष जाधव, विशाल जाधव, मेघा गायकवाड व प्रतिक करंजे यांनी केलेली आहे.
दरम्यान महाराष्ट्रात अनेक बोगस वधू वर सूचक मंडळे निर्माण झाली असून ती अशा जाहिराती करून तरुण आणि इच्छुक वरांना आकर्षित करून त्यांना प्रथम ऑनलाईन शुल्क नावाखाली फीज भरायला लावून नंतर फसवे नंबर देऊन तर कधी न देता तर कधी त्यांच्याच खेळीत अडकवून लाखो रुपयांची कमाई करत वृत्त आहे नागपूर संगमनेर अशा भागातील असे भामटे पुण्या मुंबईत जाहिराती करून मलिदा खेचण्याचा धंदा करत आहेत.
