पुणे- जैन मंदिर आणि बोर्डिंग खरेदीच्या संशयास्पद व्यवहारात जैन समाजाने आणि मुनींनी खासदार आणि मंत्री मोहोळ यांचे वाभाडे काढत आरोपांच्या फैरी झाडल्या असताना त्यास प्रत्यक्ष उत्तरे न देता हस्ते परहस्ते स्पष्टीकरण मंत्री मोहोळ यांच्याकडून दिले जात आहे तर तिसरीकडे कालच या सर्व प्रकरणात आता पुण्याचे वादग्रस्त ? असा प्रश्न न करता बहुचर्चित आणि आक्रमक म्हणता येतील असे माजी आमदार रवी धंगेकर यांनी मात्र मोहोळ यांचे नाव न घेता पुण्याचे खासदार असे शब्द वापरत मोहोळ यांच्यावर टीकेचे महास्त्र सोडले आहे आणि जैन मंदिर व HND हॉस्टेल ची विटही हलवू देणार नाही असा पवित्रा जाहीर केला आहे .
प्रत्यक्षात रवी धंगेकर यांनी काय म्हटले आहे ते त्यांच्याच शब्दात खाली वाचा
पुणे शाळेतील मॉडेल कॉलनी येथे असणारे जैन मंदिर व HND हॉस्टेल कवडीमोल भावात पुण्यातील गोखले नामक बिल्डरला विकण्याचा घाट घातल्याच्या प्रकार उघडकीस आला आहे. जैन मंदिर व HND हॉस्टेल वाचविण्यासाठी समस्त जैन बांधवांनी काढलेल्या भव्य मोर्चात सहभागी होत या लढाईत मी त्यांच्यासोबत असल्याचे सांगितले.
पुणे शहराचा खासदार सत्तेच्या बळावर एका बिल्डरला पार्टनर काय होतो, त्यानंतर या शहरातील मोक्याचा जागा – मैदाने हडप करण्याचा आसुरी प्रयत्न करतो आणि या मदमस्त व्यक्तीची हिंमत इतकी वाढते की थेट जैन मंदिर देखील बळकवण्याचा प्रयत्न यावेळी त्यांनी केला आहे. अर्थात याला बहुमोल सहकार्य लाभले आहे धर्मदाय आयुक्तांचे..!
एरवी हाताला लकवा बसल्याप्रमाणे वर्षानुवर्ष प्रकरणे निकाली न काढणाऱ्या धर्मदायुक्तांनी संबंधित नेत्याचे तळवे चाटत अवघ्या महिने भरात हा सगळा व्यवहार पूर्ण करून दिला आहे.
माझा तमाम पुणेकरांच्या वतीने जैन बांधवांना शब्द आहे, आपले मंदिर आणि आपले HND होस्टेल याची वीट सुद्धा मी त्या लोकांना काढू देणार नाही. आपले जैन मंदिर व हॉस्टेल आहे त्याच ठिकाणी राहील. यासाठी वाटेल तो संघर्ष करण्याची आपली तयारी आहे.
