धंगेकर ठेकेदारांच्या गराड्यातला ब्लॅकमेलर–चंद्रकांत दादा एक सुसंस्कृत नेता
पुणे-निलेश घायवळ प्रकरणी शिंदे गटाचे नेते रवींद्र धंगेकर यांनी आक्रमक भूमिका घेत मंत्री आणि कोथरुडचे आमदार चंद्रकांत पाटील यांच्यावर गंभीर आरोप केले आहेत. पाटील यांच्या वरदहस्तामुळे कोथरूड मधील गुन्हेगारी फोफावली असल्याचा अप्रत्यक्ष आरोप धंगेकर यांनी केला आहे. त्यांच्या या आरोपानंतर पक्षातील नेते आक्रमक झाले असून त्यांनी ‘धंगेकर यांना समज द्यावी अन्यथा आम्ही ठोकू’, असा इशारा दिला आहे. या आरोप प्रत्यारोपांमुळे शहरातील गुन्हेगारी प्रकरणाला राजकीय वळण मिळाले आहे.
भाजप शहराध्यक्ष धीरज घाटे यांनी माध्यमांशी संवाद साधला. यावेळी त्यांनी धंगेकर यांना सडेतोड उत्तर देत कोणालाही शहाणपण शिकवण्याची गरज नाही असे म्हटले आहे.
धंगेकर ज्या पद्धतीने महायुतीमध्ये मिठाचा खडा टाकत आहे. त्यामुळे त्यांना समजेल अशा पद्धतीत त्यांना शिवसेनेतील वरिष्ठ नेत्यांनी त्यांना समज देण्याची गरज आहे. वरिष्ठांनी त्यांना समज द्यावी अन्यथा आम्ही आमच्या जशास तसे पद्धतीने त्यांना ठोकू अशा शब्दात घाटे यांनी इशारा दिला आहे.वक्तव्य करायचं आणि नंतर मूग गिळून गप्प बसायचं अशी त्यांची अनेक प्रकरणा बघितलं आहेत. ब्लॅकमेलर आहोत अशा पद्धतीने विधान करायचं आणि प्रसिद्धीमध्ये राहायचं ही धंगेकर प्रवृत्ती पुणेकरांना माहिती आहे. त्यामुळे त्यांनी कोणालाही शहाणपण शिकवण्याची गरज नाही. चंद्रकांत पाटील यांच्यावर होणारी टीका भाजपचा कोणताही भाजप कार्यकर्ता आता खपून घेणार नाही.‘चंद्रकांत पाटील यांच्यावर रवींद्र धंगेकर यांच्याकडून करण्यात येत असलेल्या आरोप बिनबुडाचे असून फक्त ते वैयक्तिक आकसाने केलेले आहेत. फक्त प्रसिद्धीमध्ये राहण्यासाठी हे आरोप करत आहे.महायुती म्हणजे फेविकॉल का मजबूत जोड आहे. त्यामुळे धंगेकर यांच्यासारख्या कोण्या एका व्यक्तीने टीका केल्याने महायुतीमध्ये मिठाचा खडा पडेल असं काही होणार नाही. धंगेकर यांनी काल-परवा एकनाथ शिंदे यांच्या शिवसेनेमध्ये प्रवेश केला आहे. त्यापूर्वी ते काँग्रेसमध्ये आणि मनसे मध्ये होते त्यामुळे सातत्याने पक्ष बदलण्याचा त्यांचा स्वभाव असून त्यांना अद्याप आपण शिंदेंच्या शिवसेनेमध्ये आलो आहोत याबाबतचा भान राहिलेलं नाही. अशी टीका घाटे यांनी यावेळी केली.
