सिंधुदुर्ग – सिंधुदुर्ग -शिरोडा वेळागर समुद्रात आठ पर्यटक बुडाले आहेत. यापैकी तिघांचे मृतदेह हाती लागले असून, अन्य पाच जणांचा शोध सुरू आहे. सर्व पर्यटक सिंधुदुर्ग जिल्ह्यातील असल्याची माहिती आहे.
शिरोडा वेळागर येथे पर्यटनासाठी आलेल्या एकूण आठ पर्यटकांपैकी आठ जण समुद्रात बुडाल्याची दुर्दैवी घटना घडली. या दुर्घटनेत तात्काळ मदतकार्यानंतर तीन जणांना समुद्रातून बाहेर काढण्यात यश आले असून, त्यांना उपचारासाठी शिरोडा उपजिल्हा रुग्णालयात दाखल करण्यात आले आहे. मात्र, या दुर्घटनेतील तीन जणांचे मृतदेहही सापडले आहेत. बुडालेल्या उर्वरित पर्यटकांचा शोध घेण्याची प्रक्रिया घटनास्थळी सुरु आहे. मिळालेल्या प्राथमिक माहितीनुसार, हे पर्यटक कुडाळ आणि बेळगाव येथील असल्याची शक्यता आहे.
