पुणे-कल्याणीनगर , विमाननगर,आणि कोरेगाव पार्क पाठोपाठ आता स्वारगेट पोलीस स्टेशनच्या हद्दीतही स्पा सेंटर्स सुरू झाले आहेत. आयुर्वेदिक मसाजच्या नावाखाली सुरु असलेल्या दोन स्पा सेंटरवर छापा टाकून सामाजिक सुरक्षा विभागाने आठ महिलांची सुटका केली. स्वारगेट पोलीस स्टेशनच्या Recovery ची जबाबदारी साभाळणार्या एका कर्मचाऱ्याच्या आशिर्वादाने हे स्पा सेंटर्स सुरू असल्याचे वृत्त येथे पसरले आहे.
दरम्यान पोलिसांनी दिलेली अधिकृत माहिती अशी कि,’आयुर्वेदिक मसाज सेंटरच्या नावाखाली वेश्या व्यवसाय करणा-या मसाज सेंटरवर छापा कारवाई करुन ०६ पिडीत मुलींची सुटका करण्यात आली आहे या संदर्भात अधिक माहिती अशी कि,’दिनांक २३/०९/२०२५ रोजी अनैतिक मानवी व्यापार प्रतिबंध कक्ष, गुन्हे शाखा पुणे शहर यांना आयुर्वेदिक मसाज सेंटरच्या नावाखाली वेश्या व्यवसाय करत असलेबाबत गोपनिय माहिती पोलिसांना प्राप्त झाली.या माहितीच्या अनुषंगाने नमुद ठिकाणी अनैतिक मानवी व्यापार प्रतिबंध कक्ष, गुन्हे शाखा पुणे शहर कडील व स्वारगेट पोलीस स्टेशन कडील पोलीस अधिकारी व पोलीस अंमलदार यांनी दि. २३/०९/२०२५ रोजी वसुंधरा आयुर्वेदिक मसाज सेंटर गुलटेकडी परिसर येथे छापा कारवाई करुन ०६ पिडीत महिलांची सुटका करुन आयुर्वेदिक मसाज सेटर मॅनेजर नामे वैशाली रंगनाथ विसपुते वय ३१ वर्षे रा. इंद्रप्रस्थ सोसा. टिळेकरनगर कोंढवा, पुणे हिच्यावर स्वारगेट पोलीस स्टेशन येथे गु.र.नं. २५०/२०२५ भा.न्या.स. क. १४३, अनैतिक मानवी वाहतूक प्रतिबंध कायदा १९५६ चे कलम ३,४,५ अन्वये गुन्हा दाखल करण्यात आलेला असुन ०६ पिडीत मुलींची सुटका करण्यात आलेली आहे. सदर गुन्हयाचा पुढील तपास वरिष्ठ पोलीस निरीक्षक स्वारगेट पोलीस स्टेशन पुणे शहर यशवंत निकम हे करीत आहेत.
सदरची कारवाई अपर पोलीस आयुक्त गुन्हे पुणे शहर पंकज देशमुख, पोलीस उप-आयुक्त गुन्हे, पुणे शहर निखील पिंगळे यांचे आदेश व मार्गदर्शनाखाली अनैतिक मानवी वाहतुक व व्यापार प्रतिबंध कक्षाकडील पोलीस निरीक्षक श्रीमती आशालता खापरे, मसापोफौ छाया जाधव, सपोफौ अजय राणे, पोलीस अंमलदार तुषार भिवरकर, इम्रानखान नदाफ, अमेय रसाळ व किशोर भुजबळ व स्वारगेट पोलीस स्टेशन कडील वरिष्ठ पोलीस निरीक्षक श्री. यशवंत निकम व पोलीस अंमलदार यांनी केली आहे.
