स्मार्ट शेतीच्या नवीन युगाची सुरुवात
महिंद्राच्या ऑस्ट्रेलियातील पदार्पणाला 20 वर्षे झाली आहेत. त्याच वेळी लाँच झालेल्या या ओज ट्रॅक्टरमुळे आनंद द्विगुणित झाला आहे. यामुळे ऑस्ट्रेलियात ताकद, आराम आणि स्मार्ट शेतीच्या नवीन युगाची सुरुवात झाली आहे.
ब्रिस्बेन, 18 सप्टेंबर 2025: जगातील सर्वात मोठी ट्रॅक्टर उत्पादक कंपनी असलेल्या महिंद्रा अँड महिंद्राने भविष्याच्या दृष्टीने तयार केलेली ट्रॅक्टर श्रेणी महिंद्रा ओज ऑस्ट्रेलियामध्ये लाँच केली.
ऑस्ट्रेलियामध्ये महिंद्रा कंपनीला 20 वर्षे पूर्ण झाल्या निमित्ताने कंपनीने सब-कॉम्पॅक्ट आणि कॉम्पॅक्ट श्रेणीतील ओज 1100 आणि 2100 मालिकेतील तीन नवीन ट्रॅक्टर मॉडेल सादर केले. ऑस्ट्रेलियन शेतकऱ्यांच्या अद्वितीय गरजा पूर्ण करण्यासाठी ते विचारपूर्वक डिझाइन केलेले आहेत. हे नवीन ट्रॅक्टर मॉडेल आहेत ओज 1123 एचएसटी (हायड्रोस्टॅटिक ट्रान्समिशन), ओज 1126 एचएसटी आणि शक्तिशाली ओज 2126 एचएसटी.
मजबूत बांधकामासह ऑस्ट्रेलियातील परिस्थितीसाठी तयार करण्यात आलेली ओजची ही श्रेणी दीर्घकाळासाठी तयार करण्यात आली आहे. महिंद्राचे उत्पादन असल्याने विश्वासार्हता आहेच तसेच वापरणाऱ्यांना सोयीचे जाईल असे त्याचे आरामदायी डिझाइन आहे.
ऑस्ट्रेलियन शेतकरी आणि मालमत्ता धारकांसाठी नवीन मानके निश्चित करणारी आहे. ही ओज श्रेणी प्रगत तंत्रज्ञान, शक्तिशाली इंजिन तंत्रज्ञान, बटन-ऑपरेटेड पीटीओ आणि क्लास-लीडिंग लिफ्ट क्षमतेसह लोडर सारख्या नवकल्पनांसह एर्गोनॉमिक प्लॅटफॉर्मवर आधारित आहे. डिजिटल ड्रायव्हर डिस्प्ले पॅनल, प्रगत हायड्रॉलिक्स, पॉवर स्टीअरिंग सिस्टम आणि पर्यायी केबिन कॉन्फिगरेशन सारख्या वैशिष्ट्यांनी नवीन महिंद्रा ट्रॅक्टर सज्ज आहेत. यामुळे अतुलनीय आराम मिळतो तसेच नियंत्रण ठेवता येते.
प्रोजेक्टर स्टाईलचे हेडलाइट्स सकाळी लवकर किंवा रात्री उशिरापर्यंतच्या कामांसाठी स्पष्ट दृश्यमानता देतात. फोल्डेबल आर्मरेस्टसह महिंद्राची आलिशान एमकम्फर्ट सीट आणि ड्रायव्हर-फ्रेंडली कलर-कोडेड कंट्रोल्ससह, चिरस्थायी मूल्यासह आधुनिक शेतीसाठी ओजला एक योग्य भागीदार बनवते.
संस्कृत शब्द “ओजस”, म्हणजे ऊर्जेचा साठा, त्यावरून हे नाव देण्यात आले आहे. ओज हा महिंद्राचा सर्वात महत्त्वाकांक्षी, हलका ट्रॅक्टर आहे. महिंद्रा ऑटो अँड फार्म सेक्टर (एएफएस) साठीचे संशोधन आणि विकास केंद्र असलेली महिंद्रा रिसर्च व्हॅली, आणि जपानमधील मित्सुबिशी महिंद्रा कृषी यंत्रसामग्री यांच्या सहयोगी प्रयत्नातून ही नवीन ओज श्रेणी विकसित केली गेली आहे. हलक्या वजनाच्या 4WD ट्रॅक्टर डिझाइनमध्ये ही श्रेणी एक परिवर्तनकारी बदल सुचवते. यात अत्याधुनिक नवकल्पना आहेत ज्या ऑस्ट्रेलियामधील शेतीची पुनर्परिभाषा करण्यासाठी सज्ज आहेत.
महिंद्रा अँड महिंद्रा लिमिटेडच्या फार्म इक्विपमेंट बिझनेसचे अध्यक्ष श्री. विजय नाक्रा म्हणाले, “महिंद्रा ब्रँड ऑस्ट्रेलियातील पदार्पणाची 20 वर्षे साजरी करत असतानाच जागतिक स्तरावर कौतुक झालेला महिंद्रा ओज ट्रॅक्टर या महत्त्वाच्या बाजारपेठेत सादर करताना आम्हाला आनंद होतो आहे. जपानच्या मित्सुबिशी महिंद्रा ऍग्रीकल्चर मशिनरीसोबतच्या सहकार्याने विकसित करण्यात आलेल्या आमच्या प्रगत ग्लोबल लाइटवेट 4डब्ल्यूडी ट्रॅक्टर प्लॅटफॉर्मवर तयार केलेली, ओजची ही श्रेणी महिंद्राची नावीन्यपूर्णता, टिकाऊपणा तसेच ग्राहक-केंद्रित डिझाइनसाठीची वचनबद्धता दाखवते. जागतिक दर्जाचे तंत्रज्ञान आणि अभियांत्रिकीसह, हे नवीन उत्पादन कामगिरी आणि विश्वासार्हतेला महत्त्व देणाऱ्या ऑस्ट्रेलियातील शेतकरी तसेच मालमत्ता धारकांना आवडेल, असा आम्हाला विश्वास आहे.”
महिंद्रा अँड महिंद्रा लिमिटेडचे ग्लोबल प्रोडक्ट प्लॅनिंग अँड इंटरनॅशनल ऑपरेशन्स (आसियान अँड आरओडब्ल्यू) प्रमुख श्री. रवींद्र एस. शहाणे म्हणाले, “ऑस्ट्रेलियासाठी, सब-कॉम्पॅक्ट आणि कॉम्पॅक्ट श्रेणींमधील ओज ११०० आणि २१०० मालिकेतील ओज मॉडेल्स महिंद्रा लाँच करत आहे. स्मार्ट आणि विचारपूर्वक तयार केलेल्या या अग्रगण्य, तंत्रज्ञानातील पहिलाच प्रयोग असलेली ओज श्रेणी एक शक्तिशाली मल्टीटास्किंग सोल्यूशन देते, जे तेथील जगण्यासाठी योग्य आहे. तसेच लहान जमीन मालकांसाठी आवश्यक असे बहुआयामी, वापरणाऱ्यांची सोय पाहणारे तसेच हाताळणी सोपी असेल असे डिझाइन केलेले आहे. नावीन्यपूर्णता आणि मूल्य यांचा योग्य समन्वय साधत तयार करण्यात आलेली ही नवीन श्रेणी आजपासून संपूर्ण ऑस्ट्रेलियामध्ये उपलब्ध होईल.”
ऑपरेटर अनुभव आणि कृषी नवोपक्रमातील एक धाडसी झेप असलेली महिंद्रा ओज श्रेणी दक्षिण भारतातील महिंद्राच्या अत्याधुनिक कारखान्यात तयार केली जाते. या मालिकेतील मॉडेल्स अमेरिका, कॅनडा, थायलंड तसेच भारतातील बाजारपेठांसाठी देखील उपलब्ध आहेत.
यातील आणखी एक दिलासादायक गोष्ट म्हणजे, महिंद्रा ऑस्ट्रेलिया एक विस्तृत वॉरंटी पॅकेज देते: 3 वर्षांचे बंपर-टू-बंपर कव्हरेज, तर पॉवरट्रेनवर अतिरिक्त 3 वर्षे वॉरंटी. महिंद्राच्या कटिबध्दतेच्या पाठिंब्याने, ही वॉरंटी त्याच्या श्रेणीत नवीन बेंचमार्क स्थापित करते. तसेच ट्रॅक्टर मालकांना मोठ्या प्रमाणात दिलासा देते.
महिंद्रा ओज 1100 सीरिज
ओज 1100 सबकॉम्पॅक्ट मालिकेत, महिंद्रा दोन मॉडेल्स सादर करेल – ओज 1123 HST आणि ओज 1126 HST. ओज सब-कॉम्पॅक्ट ट्रॅक्टरमध्ये स्टायलिश डिझाइन आणि वापरण्यासाठी सोयीचे असे हायड्रोस्टॅटिक ट्रान्समिशन, क्रूझ कंट्रोल आणि हीटर कॅब आहे, जे कॉम्पॅक्ट उपाय शोधणाऱ्या मालमत्ता धारकांसाठी आदर्श आहे.
- 1123 HST: 3,000 आरपीएम वर 23 एचपी पॉवर निर्माण करणारे 3-सिलेंडर डिझेल इंजिन
- 1126 HST: 3,000 आरपीएम वर 26 एचपी पॉवर निर्माण करणारे 3-सिलेंडर डिझेल इंजिन
- कार्यक्षमतेने चालण्यासाठी सहज नियंत्रणे
- ड्रायव्हिंगच्या सोयीसाठी टिल्ट आणि टेलिस्कोपिक स्टीअरिंग
- लोडर लिफ्ट क्षमता: 420 किलो
- रीअर हिच लिफ्ट क्षमता: 350 किलो
- वेगवेगळ्या प्रकारचे साहित्य हाताळणीसाठी पर्यायी मिड-माउंट मॉवर
- स्टॅंडर्ड 540 आरपीएम रीअर पीटीओ – बटणावर चालणारे
- विविध भौगोलिक प्रदेशांसाठी टर्फ आणि औद्योगिक टायर पर्याय
महिंद्रा ओज 2100 सीरिज
ओज 2100 कॉम्पॅक्ट मालिकेतील महिंद्रा ओज 2126 HST महिंद्रा सादर करत आहे. मोठ्या प्लॅटफॉर्मवर बनवलेले, ओज 2126 अधिक शक्तिशाली कामांसाठी डिझाइन केलेले आहे. ज्यामध्ये पूर्णपणे एकात्मिक HVAC (हीटर + एअर-कंडिशनर) कॅब पर्याय म्हणून उपलब्ध आहे, ज्यामुळे ते विश्वासार्ह तर ठरतेच पण सर्व हवामानासाठी योग्य ट्रॅक्टर ठरते. ट्रॅक्टरमध्ये सर्वोत्तम-इन-क्लास लोडर लिफ्ट क्षमता आणि कार्यक्षम लोडर ऑपरेशन्ससाठी सायकल टाइम देखील आहे.
- 2126 HST: 2,500 आरपीएमवर 26 एचपी उत्पादन करणारे 3-सिलेंडर डिझेल इंजिन
- कार्यक्षमतेने चालण्यासाठी सहज नियंत्रणे
- 3-रेंज एचएसटी ट्रान्समिशन
- ड्रायव्हिंगच्या उत्तम अनुभवासाठी टिल्ट स्टीअरिंग
- सोप्या हालचाली आणि सुलभतेसाठी रुंद फ्लॅट ऑपरेटर प्लॅटफॉर्म
- लोडर लिफ्ट क्षमता: 580 किलो
- रीअर हिच लिफ्ट क्षमता: 800 किलो
- स्टॅंडर्ड 540 आरपीएम रीअर पीटीओ – बटणावर चालणारे
17 सप्टेंबर रोजी ऑस्ट्रेलियातील महिंद्राच्या डीलर्सना ओज श्रेणी सादर केली जाईल, आणि त्याच्या बुकिंगला सुरुवात होईल.
