मेट्रोपर्यंत जाण्यासाठी मोफत बस सेवा -कोथरूडमध्ये मंत्री चंद्रकांतदादांच्या संकल्पनेतून उपक्रमामुळे लोकउत्साहात भर

पुणे- पुण्यातील सार्वजनिक वाहतूक सेवेची महामेट्रो जीवन वाहिनी बनत असतानाच कोथरूड विधानसभा मतदारसंघातील विद्यमान आमदार आणि मंत्री चंद्रकांत दादा पाटील यांच्या पुढाकाराने सेवा त्याग समर्पण फाउंडेशनच्या मार्फत कोथरूड विधानसभा मतदारसंघातील मेट्रो मार्गी के पासून दूर अंतरावर असलेल्या कर्वेनगर नवसाह्याद्री डहाणकर कॉलनी भागातील नागरिकांसाठी मोफत शटल बस सेवासुरु करण्यात येणार आहे. पुण्यातील महा मेट्रोचा पहिला प्रयोग म्हणून ज्या कोथरूड मतदारसंघातून शुभारंभ झाला त्या कोथरूड विधानसभा मतदारसंघातील मेट्रो मार्गीकेपासून दूर असलेल्या नागरिकांनाही मेट्रो प्रवास सुकर व्हावा या उदात्त हेतूने संबंधित उपक्रम सुरू करण्यात येणार आहे.या अभिनव उपक्रमाचे उद्घाटन चंद्रकांतदादा पाटील मंत्री, उच्च व तंत्रशिक्षण, संसदीय कार्य महाराष्ट्र राज्य आमदार, कोथरुड विधानसभा मतदार संघ यांच्या हस्ते हस्ते होणार असून कार्यक्रमाचे प्रमुख पाहुणे म्हणून महा मेट्रोचे व्यवस्थापकीय संचालक श्रावण हर्डीकर उपस्थित राहणार असून रविवार दि. १४ सप्टेंबर २०२५ सकाळी ८.०० वा. नळस्टॉप / SNDT मेट्रो स्थानक, कर्वे रोड, येथे पहिल्या मार्गिका क्र. १ वरील सेटल बसला हिरवा झेंडा दाखवण्यात येणार आहे.

कोथरूड भागातील ज्येष्ठ नागरिकांची संख्या प्रचंड असताना केवळ पौड रस्त्यावरून वनाज कंपनी ते एसएनडीटी महाविद्यालय लगतच्याच नागरिकांना अत्यंत महत्त्वाची मेट्रो सेवेचा लाभ घेण्याची संधी मिळत होती. उर्वरित कोथरूड विधानसभा मतदारसंघातील एरंडवणे नवसह्याद्री सोसायटी, मनमोहन सोसायटी, कर्वेनगर, श्रीमान सोसायटी, हिंगणे होम कॉलनी, गोसावी वस्ती, मावळे आळी यासह डहाणूकर कॉलनी, कोथरूड गावठाण, मयूर कॉलनी, करिश्मा सोसायटी या भागातील नागरिकांना मेट्रो ने प्रवास करण्यासाठी पार्किंग आणि रिक्षा या दोन्ही समस्यांना सामोरे जावे लागत असल्याने महा मेट्रोच्या प्रवाशांवरती परिणाम होत होता.कोथरूड विधानसभा मतदारसंघातील आमदार चंद्रकांत दादा पाटील यांच्या लक्षात ही समस्या आल्यानंतर त्यांनी तात्काळ याची दखल घेऊन सेवा त्याग समर्पण फाउंडेशनच्या मार्फत राजाराम पूल– मावळे आळी चौक – विकास चौक – कर्वेनगर चौक- वनदेवी -डहाणूकर चौक – कर्वे पुतळा – करिष्मा चौक – SNDT शी शटल बस सेवा सुरू केली असून सकाळी ८.३० ते १ सकाळच्या सत्रामध्ये सुरू राहणार आहे. त्यानंतर सायं. ४ ते ८ या महत्त्वाच्या काळी सुद्धा सर्वसामान्य नागरिकांना मोफत प्रवास करणे शक्य होणार आहे.