पुणे- वाघोली पाठोपाठ पुणे पोलिसांनी धनकवडी येथेही १० किलो गांजा पकडला आणि तो विक्रीसाठी घेऊन आलेल्या २५ वर्षीय तरुणाला अटक केली .
पोलिसांनी सांगितले कि,’दि.२९/०८/२०२५ रोजी सहकारनगर पोलीस स्टेशन कडील वरिष्ठ पोलीस निरीक्षक विठ्ठल पवार व पोलीस अंमलदार हे हद्दीत अवैध धंदे प्रतिबंधात्मक पेट्रोलींग करीत असताना रांका ज्वेलर्स पुणे सातारा रोड पुणे येथील मोरे वस्ती परिसरात आले असता पोलीस अंमलदार अमोल पवार व अभिजीत वालगुडे यांना सहकारनगर पोलीस स्टेशन कडील एन.डी.पी.एस. अभिलेखावरील जामीनावर असलेला आरोपी प्रसाद गणेश हारगुडे हा एका खोलीमधुन संशयीत रित्या बाहेर येताना दिसला. त्यावेळी तो पोलीसांना पाहुन पळुन जावु लागल्याने पोलीस अंमलदार अमोल पवार व अभिजीत वालगुडे यांनी त्यास थोड्याच अंतरावर पाठलाग करुन पकडुन वरिष्ठ पोलीस निरीक्षक विठ्ठल पवार यांचे समक्ष हजर केले. त्यास पळुन जाण्याचे कारण विचारता तो उडवाउडवीची उत्तरे देवु लागला. त्याचा अंमली पदार्थाचे अनुषंगाने अधिक संशय आल्याने त्यास त्यांचे नाव पत्ता विचारता त्याने त्याचे नाव प्रसाद गणेश हारगुडे वय २५ वर्षे रा. शंकर महाराज वसाहत, ज्ञानेश्वर सोसायटी मागे, एस.आर.ए. बिल्डिंग तीसरा मजला, धनकवडी पुणे असे असल्याचे सांगितले. पोलीस स्टाफ व पंचाना आरोपी ज्या खोलीमधुन बाहेर आला त्या खोलीमध्ये घेवुन गेला असता खोलीमध्ये अंमली पदार्थाचा उग्र वास आल्याने खोलीच्या मध्यभागी एका कापडी पिशवीमध्ये काहीतरी असल्याचे व त्यामधुन अंमली पदार्थाचा उग्र वास आल्याने सदरच्या पिशवीची पंचासमक्ष तपासणी केली असता त्यामध्ये पांढऱ्या रंगाच्या एकूण ६ प्लॅस्टीक पिशव्या त्या प्रत्येक पिशवीमध्ये गांजा सदृश्य अंमली पदार्थ मिळुन आला, त्याबाबत सदर इसमाकडे चौकशी केली असता त्याने सदर गांजाचा माल हा त्याचे साथीदाराचा असुन मी त्याचेकडे कामाला असुन मी सदरचा गांजाचा माल पॅकींग करून चोरून विक्री करणार होतो असे सांगतिल्याने सदर ठिकाणाहुन एकुण ३,००,०००/- रु. किं.चा १० किलो १३८ ग्रॅम वजन असलेला गांजा हा अंमली पदार्थ सदर आरोपीच्या ताब्यात मिळुन आल्याने तो जप्त करण्यात आला असुन सहकारनगर पोलीस स्टेशन गु.र.नं. ३६१/२०२५, एन.डी.पी.एस. अॅक्ट क. ८ (क), २० (ब) (II) (ब) प्रमाणे गुन्हा दाखल करण्यात आला आहे.
सदरची कामगीरी अपर पोलीस आयुक्त पश्चिम प्रादेशीक विभाग राजेश बनसोडे, पोलीस उप-आयुक्त परि.२, मिलींद मोहीते सहा. पोलीस आयुक्त, स्वारगेट विभाग राहुल आवारे, यांचे मार्गदर्शनाखाली वरिष्ठ पोलीस निरीक्षक विठ्ठल पवार, पोलीस निरीक्षक (गुन्हे) श्रीमती सुरेखा चव्हाण सहकारनगर पोलीस स्टेशन कडील सहा. पोलीस निरीक्षक सागर पाटील, पोउपनिरी सद्दाम हुसेन फकीर, पोलीस अंमलदार बापु खुटवड, अमोल पवार, अभिजीत वालगुडे, बजरंग पवार, सागर सुतकर, निखील राजीवडे, किरण कांबळे, संजय म्हस्के, अशोक ढावरे, अमित पदमाळे, महेश भगत, सत्यवान बाठे व रवी कदम यांनी केली आहे.
