वाघोलीत पकडला २८.८०२ किलोग्रॅम गांजा, २२ वर्षीय विक्रेत्याला अटक

पुणे – गणेशोत्सव काळात शहरामध्ये विक्रीसाठी आलेला २८ किलो गांजा जप्त करून पोलिसांनी गांजा विक्रेत्या आरोपीला पकडले आहे.
पोलीस आयुक्त अमितेश कुमार यांनी पुणे शहरामध्ये अंमली पदार्थांचे अवैध विक्रीवर आळा घालणेकरीता अंमली पदार्थाचे समुळ उच्चाटण करणेबाबत आदेशीत केले असल्याने दि.२८/०८/२०२५ रोजीवरिष्ठ पोलीस निरीक्षक युवराज हांडे यांचे सुचनाप्रमाणे तपास पथकाचे पोलीस अधिकारी व पोलीस अंमलदार हे गणेशोत्सव व गुन्हे प्रतिबंध, अवैध धंदयावर कारवाई करणेकामी पेट्रोलींग करीत असताना टिटॉज हॉटेल जवळ, वाघोली, पुणे येथे पोलीस अंमलदार प्रदिप मोटे यांना संशयित कार दिसल्याने त्यांना हटकले असता वाहन चालकाचे शेजारी बसेलला इसम हा घाईगडबडीने उतरुन पळुन गेला. त्यावेळी त्यांचेवर अधिक संशय आल्याने वाहन चालकास ताब्यात घेवून त्याचे नाव पत्ता विचारला असता त्याने त्याचे नाव विलेश धारासिंग पावरा वय २२ वर्षे रा. महादेव दोंदवाडा ता. शिरपुर जि. धुळे असे असल्याचे सांगितले. त्यावेळी विलेश धारासिंग पावरा याचे ताब्यातील चारचाकी गाडीची झडती घेतली असता त्यामध्ये ५,७६,०४०/-रू.कि.चा २८.८०२ किलोग्रॅम गांजा, १०,०००/-रू.कि.चा मोबाईल, ५,००,०००/-रू.कि.ची चारचाकी गाडी असा एकूण १०,८६,०४०/- रू. किं. चा मुद्देमाल मिळून आला. सदरचा मुद्देमाल जप्त करून वाघोली पोलीस स्टेशन येथे गु.र.नं.४५८/२०२५, एन.डी.पी.एस. अॅक्ट क. ८ (क), २० (ब) (ii) (क) प्रमाणे गुन्हा दाखल करण्यात आला आहे. सदर आरोपीस नमुद गुन्हयात अटक करण्यात आली आहे.
सदरची कामगीरी अपर पोलीस आयुक्त, पुर्व प्रादेशिक विभाग, पुमनोज पाटील, पोलीस उप-आयुक्त परी.४, सोमय मुंडे, सहा. पोलीस आयुक्त येरवडा विभाग पु श्रीमती प्रांजली सोनवणे यांचे मार्गदर्शनाखाली वरीष्ठ पोलीस निरीक्षक वाघोली पोलीस स्टेशन युवराज हांडे, पोलीस निरीक्षक (गुन्हे), आसाराम शेटे यांचे सुचनेप्रमाणे तपास पथक पोलीस अधिकारी पोउपनि मनोज बागल, पोलीस अंमलदार रमेश साबळे, बाबासाहेब मोराळे, राम ठोंबरे, प्रदिप मोटे, मंगेश जाधव, सुनिल कुसाळकर, समीर भोरडे, पांडुरंग माने, विशाल गायकवाड, दिपक कोकरे, साईनाथ रोकडे, प्रितम वाघ, शिवाजी चव्हाण, मारुती वाघमारे, अशोक शेळके, अमोल सरतापे, गहिनाथ बोयणे व सिध्दनाथ ढवळे यांनी केली आहे.