पुणे- एमपी चा सोनी नामक तरुण पोट भरायला पुण्यात आला सोसायटीचा सुरक्षा रक्षक बनला आणि तिथेच त्याने घरफोडी करून पावणे नऊ लाखाचा ऐवज चोरून नेला . पुणे पोलिसांनी त्याला चातुर्याने पकडले असून त्याच्याकडून चोरीस गेलेला सर्व ऐवज देखील हस्तगत केला आहे.
या संदर्भात पोलिसांनी सांगितले कि,’दि. १२/०८/२०२५ रोजी पर्वती पोलीस स्टेशन हद्दिमध्ये औंदुबर सोसायटी, गणेशमळा, सिहगडरोड पुणे येथील फिर्यादी यांचे राहते घरी दि.०८/०८/२०२५ ते दि. १२/०८/२०२५ रोजीचे दरम्यान त्यांच्या फ्लॅटमध्ये प्रवेश करुन स्वतःच्या आर्थिक फायदया करता घरफोडी करुन १० तोळे वजनाचे सोन्याचे व चांदिचे दागिन्यांचा ऐवज चोरीस गेला आहे. म्हणुन फिर्यादी यांनी अज्ञात चोरट्याविरुध्द फिर्याद दिलेवरुन पर्वती पोलीस स्टेशन गुन्हा रजि. नं. २५४/२०२५ भारतीय न्याय संहिता कलम ३०५, ३३१ (३), ३३१ (४) प्रमाणे. गुन्हा नोंद करण्यात आला .
दाखल गुन्हयाचा तपास वरिष्ठ पोलीस निरीक्षक नंदकुमार गायकवाड व पोलीस निरीक्षक (गुन्हे) अनिता हिवरकर पर्वती पोलीस स्टेशन यांचे मार्गदर्शनाखाली तपास पथकाचे प्रमुख पोलीस उप निरीक्षक किरण पवार, व पोलीस अंमदार, पर्वती पोलीस स्टेशन पुणे करीत असताना वरिष्ठांचे मार्गदर्शनाखाली व सुचनाप्रमाणे दोन टिम तयार करुन सोसायटीमध्ये व आजुबाजुचे परिसरात तपास केला असता सदर सोसायटीमधील वॉचमन राकेशकुमार मुलचंद सोनी वय २९ वर्षे रा. औदुंबर सोसायटी, गणेशमळा सिंहगडरोड पुणे, मुळ रा. ४९/१, राम अमिलीया, पो. पटणा कला, जि. अनुपपुर रा. मध्यप्रदेश त्यास ताब्यात घेवुन, त्याचेकडे तपास केला असता त्याने सदरची घरफोडी केल्याचे त्याने कबुल केल्याने त्यास दाखल गुन्हयाचे तपास कामी दि. १२/०८/२०२५ रोजी अटक करुन त्याने घरफोडी करुन चोरी केलेल्या सोन्यापैकी ८,६५,०००/-रुपये किंमतीचा ऐवज हस्तगत करण्यात आला.
सदरची कामगिरी अपर पोलीस आयुक्त पश्चिम प्रादेशिक विभाग राजेश बनसोडे, पोलीस उप आयुक्त परि-०३ संभाजी कदम, सहा. पोलीस आयुक्त अजय परमार, वरिष्ठ पोलीस निरीक्षक नंदकुमार गायकवाड, पोलीस निरीक्षक (गुन्हे) श्रीमती अनिता हिवरकर यांचे मार्गदर्शनाखाली पोलीस उप निरीक्षक किरण पवार, पोलीस अंमलदार प्रकाश मरगजे, अमोल दबडे, महेश मंडलिक, अमित चिव्हे, सुर्या जाधव, श्रीकांत शिंदे, सद्दाम शेख, मनोज बनसोड, नानासो खाडे, राकेश सुर्वे यांनी केली.
