पुणे -विसर्जन मिरवणुकीत भाऊ रंगारी आणि मंडई गणपती नेहमीच्या क्रमानेच येणार, दगडूशेठ सायंकाळी ४ वाजता तर मानाचे गणपती अवघा अर्धा तास आधी मिरवणुकीत सहभागी होणार असल्याची माहिती येथे मिळाली आहे. गणेश मंडळांच्या बैठकीनंतर केंद्रीय राज्यमंत्री मुरलीधर मोहोळ, आमदार रासने ,रुपाली पाटील, भाऊ करपे आणि मंडळांचे पदाधिकारी पहा काय म्हणाले
गणेश विसर्जन मिरवणूक वेळेत संपन्न व्हावी या दृष्टीने भाऊ रंगारी आणि मंडई गणपतीने मानाच्या ५ गणपती नंतर विसर्जन मिरवणुकीत सहभाग घ्यायचे जाहीर केले होते . मात्र नंतर त्यावरून राजकारण सुरु झाले ,मानाचे ५ गणपती नंतर दगडूशेठ गणपती आणि भाऊ रंगारी आणि मंडई गणपती हे देखील विसर्जन मिरवणुकीत सहभागी झाले तर विसर्जन मिरवणूक वेळेत संपन्न होऊ शकेल असे चित्र होते . परंतु यास खो घातला गेला . सकाळी ७ वाजता विसर्जन मिरवणूक सुरु करायला मानाचे गणपती मंडळे तयार झाल्याचे वृत्त आलेच नाही आणि अन्य ६० मंडळांनी ते नाही तर आम्ही सुरुवात करू असा पवित्र घेतला खरा … पण तोही नाममात्र निघाल्याचे आज दिसले .अवघा अर्धा तास आधी मानाचे गणपती निघतील असे ठरले.आणि पथके कमी करायचे ठरले आहे . भाऊ रंगारी आणि मंडई गणपतींना … दगडूशेठ प्रमाणे लवकर निघण्याची मुभा दिली गेली नाही असाच अर्थ स्पष्ट झाला . आणि अर्धा तास आधी मिरवणूक सुरु होऊन व स्थिर वादन बंद करून पथके कमी करून मिरवणूक वेळेत संपन्न करावी असे ठरले . प्रत्यक्षात विसर्जन मिरवणूक किती तास घेईल हे आता तेव्हाच समजणार आहे. पण मिरवणूक वेळेत संपन्न करण्याचा प्रयत्न यावेळी भाऊ रंगारी आणि मंडई गणपती मंडळांने केला होता तो दगडूशेठ गणपती मंडळाप्रमाणे स्वीकारला गेला नाही हे निश्चित झाले आहे.
