पुणे: निवडणुका बॅलेट पेपरवर आणि एक वॉर्ड 1 नगरसेवक पद्धतीनेच झाल्या तरच लोकशाही खरी.. अशी स्पष्ट भावना नागरिकात असताना,कार्यकर्त्यांमध्ये देखील असताना राजकीय पक्षांच्या सोयी साठी त्या प्रभाग पद्धतीने आणि EVM वर घेतल्या जात आहेत हे आजवर लोक समजून चुकले आहेत.विधानसभा,लोकसभा का सिंगल मतदार संघात घेता त्यांचेही 4/4 प्रभाग करून घ्या 4/4 आमदार, खासदार निवडण्याची संधी द्या अशी उपरोधिक मागणी केली जात असताना स्थानिक स्वराज्य संस्थेत खरे लोकप्रतिनिधी नकोत तर राजकीय पक्षांचे गुलाम प्रतिनिधी हवेत असा आरोप आता जनतेतून होऊ लागला आहे .
दरम्यान स्थानिक स्वराज्य संस्थांच्या बहुप्रतीक्षित निवडणुकीत निवडणूक आयोग व्हीव्हीपॅट (VVPAT) वापरणार नसल्याचे जाहीर करत असतानाच पुणे महानगरपालिकेच्या वतीने सावरकर भवन येथे घेतलेल्या ईव्हीएम मॉक पोल मध्ये व्हीव्हीपॅट द्वारे 4 चिठ्ठ्या जास्तीच्या आल्याचा विश्वसनीय सूत्राच्या माहितीनुसार धक्कादायक प्रकार समोर आला आहे.
महानगरपालिकेच्या निवडणूक विभागाने आपल्या कर्मचाऱ्यांना घेऊन एका मशीनवर 51 वेळा मतदान करण्यात आल्या. ईव्हीएम यंत्रांवर मतदान करताना व्हीव्हीपॅट जोडून ही टेस्ट घेण्यात आली. मात्र त्यापैकी 51 मतांची प्रत्यक्ष मोजणी झाली असताना व्हीव्हीपॅटमध्ये 55 चिठ्ठ्या सापडल्या. विशेष म्हणजे या चिठ्ठ्यांमध्ये प्रत्येकी दोन जास्तीची मते क्रमांक 1 व क्रमांक 3 ला पडल्याचे दिसून आले. परंतु वरिष्ठांनी याची वाचता कुठे होऊ नये याची पद्धतशीरपणे काळजी घेतल्याचे दिसून आले.
व्हीव्हीपॅट न वापरण्याचा निर्णय जाहीर करणारा आयोग, मग पुणे मनपा मध्ये मॉक पोल कशासाठी करताय ,हा सरळसरळ दुटप्पीपणा आहे आणि वरिष्ठ पातळीवरून अशा टेस्टिंगचे आदेश न मिळता महानगरपालिका अधिकारी अशा पद्धतीची चाचणी घेणार नाहीत.अशीही भावना व्यक्त होत आहे.
एकीकडे आयोग व्हीव्हीपॅट वापरणार नसल्याचे ठाम सांगतो आणि दुसरीकडे मात्र चाचणीत यंत्र वापरतो, ही बाब संशयास्पद ठरते आहे.
देशपातळीवर सध्या ईव्हीएम विरोधात वातावरण आहे. महाराष्ट्रात नुकत्याच पार पडलेल्या विधानसभा निवडणुकांबाबतही प्रश्नचिन्ह उपस्थित झाले आहेत. बिहारमध्ये होऊ घातलेल्या निवडणुकीत मतदार संख्येच्या वाढीबाबत आरोप होत आहेत. अशा पार्श्वभूमीवर महापालिका निवडणुकीत सत्ताधारी काही वेगळे घडवू पाहत असल्याची व्यक्त होणारी शक्यता नाकारता येणारी नाही.
महत्वाचे मुद्दे:
51 मतांच्या चाचणीला 55 व्हीव्हीपॅट चिठ्ठ्या!
व्हीव्हीपॅट वापरणार नसल्याचं जाहीर करूनही, चाचणीत वापर?
क्रमांक 1 व 3 ला सर्वाधिक मते – हेतुपुरस्सर घडवलेली चाचणी?
विरोधकांना भ्रमात टाकण्याचे कारस्थान?
