नवी दिल्ली- शुक्रवारी दिल्लीत ७१ व्या राष्ट्रीय पुरस्कारांची घोषणा करण्यात आली. शाहरुख खानला ‘जवान’ चित्रपटासाठी आणि विक्रांत मेस्सीला ‘१२ th फेल’ चित्रपटासाठी संयुक्तपणे सर्वोत्कृष्ट अभिनेत्याचा पुरस्कार देण्यात आला आहे.मराठी चित्रपटांसाठी ‘श्यामची आई’ या चित्रपटाला सर्वोत्कृष्ट मराठी चित्रपटाचा पुरस्कार मिळाला आहे. त्यासोबतच नाळ-2 चित्रपटातील भार्गव जगतापला सर्वोत्कृष्ट बाल कलाकाराचा पुरस्कार मिळाला आहे.राणी मुखर्जीला ‘मिसेस चॅटर्जी व्हर्सेस नॉर्वे’ चित्रपटासाठी सर्वोत्कृष्ट अभिनेत्रीचा पुरस्कार देण्यात आला आहे. कटहलला सर्वोत्कृष्ट हिंदी चित्रपटाचा पुरस्कार देण्यात आला आहे.’सिर्फ एक बंदा काफी है’ या हिंदी चित्रपटाला सर्वोत्कृष्ट संवादाचा पुरस्कार मिळाला आहे. या चित्रपटाचे संवाद दीपक किंगराणी यांनी लिहिले आहेत.
शाहरुख खान आणि विक्रांत मेस्सी यांना पहिल्यांदाच पुरस्कार मिळाला
७१ व्या राष्ट्रीय पुरस्कारात, शाहरुख खान आणि विक्रांत मेस्सी यांना संयुक्तपणे सर्वोत्कृष्ट अभिनेत्याचा पुरस्कार मिळाला आहे. शाहरुखला त्याच्या ‘जवान’ चित्रपटासाठी आणि विक्रांतला ‘१२ th फेल’ चित्रपटासाठी हा पुरस्कार मिळाला आहे. ‘जवान’ हा एक अॅक्शन थ्रिलर चित्रपट होता. या चित्रपटात शाहरुख दुहेरी भूमिकेत दिसला होता. दुसरीकडे, विक्रांतचा चित्रपट एक चरित्रात्मक नाटक होता. हा चित्रपट आयपीएस अधिकारी मनोज कुमार शर्मा आणि त्यांची पत्नी आयआरएस अधिकारी श्रद्धा जोशी यांच्या जीवनावर आधारित होता.
राणी मुखर्जी यांनाही पहिल्यांदाच हा पुरस्कार मिळाला आहे
राणी मुखर्जीचा २५ वर्षांच्या कारकिर्दीतील हा पहिलाच राष्ट्रीय चित्रपट पुरस्कार आहे. तिचा ‘मिसेस चॅटर्जी व्हर्सेस नॉर्वे’ हा चित्रपट एका सत्य घटनेवर आधारित कायदेशीर नाटक आहे. हा चित्रपट सॉफ्टवेअर इंजिनियर सागरिका चक्रवर्ती यांच्या ‘द जर्नी ऑफ अ मदर’ या आत्मचरित्रापासून प्रेरित आहे. आशिमा चिब्बर दिग्दर्शित या चित्रपटात राणीने सागरिकाची भूमिका साकारली आहे.
२०११ मध्ये, जेव्हा सागरिका तिचा पती अनुरूप भट्टाचार्यसोबत नॉर्वेमध्ये राहत होती, तेव्हा तिच्या मुलांना नॉर्वेजियन अधिकाऱ्यांनी काढून घेतले. सागरिका तिच्या मुलांच्या ताब्यासाठी नॉर्वेजियन सरकारशी लढते. तो प्रवास चित्रपटात दाखवण्यात आला आहे.
कटहलला सर्वोत्कृष्ट हिंदी चित्रपटाचा पुरस्कार देण्यात आला आहे.
द केरल स्टोरी या चित्रपटाला सर्वोत्कृष्ट सिनेमॅटोग्राफीचा पुरस्कार मिळाला
- सर्वोत्कृष्ट सिनेमॅटोग्राफी- द केरल स्टोरी
- सर्वोत्कृष्ट बालकलाकार- सुकीर्थी वेणी (गांधी कथा चेतू), कबीर खंदारे (जिप्सी), त्रिशा तोसर, श्रीनिवास पोकळे आणि भार्गव जगताप (नाळ २)
- सर्वोत्कृष्ट पार्श्वगायक- पीव्हीएनएस रोहित, तेलुगु (बेबी)
- सर्वोत्कृष्ट महिला पार्श्वगायिका- चलेया (जवान), शिल्पा राव
- सर्वोत्कृष्ट संवाद लेखक- दीपक किंगराणी (सिर्फ एक बंदा कॉफी है)
- सर्वोत्कृष्ट पटकथा- बेबी (तेलुगु), पार्किंग (तमिळ)
प्रादेशिक भाषेतील या चित्रपटांना मिळाले पुरस्कार
- सर्वोत्कृष्ट गुजराती चित्रपट- वाश
- सर्वोत्कृष्ट बंगाली चित्रपट- डीप फ्रीज
- सर्वोत्कृष्ट आसामी चित्रपट- रोंगाटापू
- सर्वोत्कृष्ट हिंदी चित्रपट- कथल
- सर्वोत्कृष्ट कन्नड चित्रपट- कंडीलू
- सर्वोत्कृष्ट विशेष उल्लेख चित्रपट – अॅनिमल (री-रेकॉर्डिंग मिक्सर, एमआर राजकृष्णन)
- सर्वोत्कृष्ट ताई फाके फीचर फिल्म- पै तांग… स्टेप ऑफ होप
- सर्वोत्कृष्ट गारो फीचर फिल्म- रिमडोगीतांगा
- सर्वोत्कृष्ट तेलुगू फीचर फिल्म- भगवंत केसरी
- सर्वोत्कृष्ट तमिळ फीचर फिल्म- पार्किंग
- सर्वोत्कृष्ट पंजाबी फीचर फिल्म- गोड्डे गोड्डे चा
- सर्वोत्कृष्ट ओडिया फीचर फिल्म- पुष्कर
- सर्वोत्कृष्ट मराठी फीचर फिल्म- श्यामची आई
- सर्वोत्कृष्ट मल्याळम फीचर फिल्म- उल्लुझुकू
