बाणेर – बालेवाडी भागातील वाहतूक कोंडी सोडविण्यासाठी अमोल बालवडकर यांची टीम रस्त्यावर

• २० प्रशिक्षित ट्रॅफिक वॉर्डनची नियुक्ती.वाहतूक कोंडी होत असलेल्या चौकांमध्ये अमोल बालवडकर सोशल फाउंडेशन तर्फे होणार ट्रॅफिक वॉर्डनची नियुक्ती…

पुणे :- बाणेर, बालेवाडी परिसर वाहतूक कोंडी मुक्त करण्यासाठी मंत्री चंद्रकांत दादा पाटील यांच्या मार्गदर्शनाखाली अमोल बालवडकर सोशल फाउंडेशन तर्फे २० ट्रॅफिक वॉर्डनची नियुक्ती करण्यात आली आहे. या ट्रॅफिक वॉर्डन मुळे बाणेर, बालेवाडी परिसरात वाहतूक कोंडी सुटण्यास मदत होणार आहे.गेल्या अनेक दिवसांपासून बाणेर-बालेवाडी परिसरामध्ये मोठ्या प्रमाणात वाहतूक कोंडी होत आहे. बाणेर मुख्य रस्ता, राधा चौक, सायकर चौक, बालेवाडी फाटा, ज्युपिटर हॉस्पिटल रोड, बाणेर बालेवाडी रोड, साई चौक, ममता चौक तसेच महामार्गावर व सर्विस रस्त्यांवर मोठ्या प्रमाणात वाहतूक कोंडी होत आहे. या वाहतूक कोंडी मध्ये वाहन चालवताना वाहन चालकांची दमछाक होत असलेली दिसून येत आहे. अर्धा ते एक किलोमीटर अंतर कापण्यासाठी एक तासाच्या वर वेळ लागत आहे. ही वाहतूक कोंडी सोडविताना पोलीस प्रशासनाचे देखील दमछाक होत असल्याचे दिसून येत आहे. बाणेर-बालेवाडी सारख्या मोठ्या परिसरामध्ये वाहतूक पोलिसांची संख्या कमी असल्यामुळे वाहतूक पोलिसांना देखील ही वाहतूक कोंडी सोडविण्यास अपयश येत आहे. या सर्व बाबींचा विचार करून माजी नगरसेवक अमोल बालवडकर यांनी अमोल बालवडकर सोशल फाउंडेशनच्या मार्फत बाणेर बालेवाडी परिसरामध्ये २० ट्रॅफिक वॉर्डनची स्वखर्चातून नियुक्ती केली आहे. या वॉर्डनमुळे बाणेर बालेवाडी परिसरामध्ये वाहतूक कोंडी सुटण्यास मोठ्या प्रमाणात मदत होणार आहे. 2022 साल पासून अमोल बालवडकर सोशल फाउंडेशनच्या माध्यमातून बाणेर बालेवाडी परिसरात वेळोवेळी ट्रॅफिक वॉर्डन तर्फे ट्रॅफिक नियोजन करण्यात येत आहे. बालवडकर यांच्यातर्फे स्वखर्चाने लाखो रुपये खर्चून या वॉर्डनची नियुक्ती करण्यात येत आहे. ट्रॅफिक वॉर्डन मुळे अनेक गर्दीच्या ठिकाणी वाहतूक सुरळीत होत असल्यामुळे नागरिकांनी देखील समाधान व्यक्त केले आहे. अमोल बालवडकर हे कामाचा माणूस असल्याचे मत परिसरातील नागरिकांनी व्यक्त केले.बाणेर बालेवाडी परिसरामध्ये मेट्रोचे काम सुरू आहे. तसेच अनेक ठिकाणी पर्याय रस्ते देखील सुरू होणार आहेत. हे रस्ते सुरू झाल्यावर व मेट्रोचे काम संपल्यावर वाहन चालकांना वाहतूक कोंडीचा सामना करावा लागणार नाही . परंतु ही कामे होण्यासाठी अजून काही कालावधी लागणार आहे. त्यामुळे तात्पुरत्या स्वरूपात वाहन चालकांना वाहतूक कोंडीचा सामना करावा लागू नये यासाठी वाहतूक विभागाच्या पोलीस अधिकाऱ्यांशी चर्चा करून तसेच मंत्री चंद्रकांत पाटील यांच्या मार्गदर्शनाखाली बाणेर बालेवाडी परिसरामध्ये अमोल बालवडकर सोशल फाउंडेशनच्या माध्यमातून २० ट्रॅफिक वॉर्डन नेमण्यात आले आहेत. याआधी देखील वेळोवेळी अमोल बालवडकर सोशल फाउंडेशन तर्फे परिसरामध्ये वॉर्डनची नियुक्ती करण्यात आली होती असे माजी नगरसेवक अमोल बालवडकर यांनी सांगितले.