शहीद कुटुंबीयांना स्वरकिरण सांगीतिक रंगमंच तर्फे आर्थिक मदत
पुणे (प्रतिनिधी): भारतीय नागरिकांना देशभक्तीची प्रेरणा देणारे हिंदी सिनेमा दिग्दर्शक, अभिनेते मनोज कुमार उर्फ भारत कुमार यांचे ५ एप्रिल २०२५ रोजी निधन झाल्याने त्यांना तसेच देशाच्या सीमा संरक्षण साठी हाती घेतलेल्या ऑपरेशन सिंधूर युद्ध मोहिमेत शहीद झालेल्या जवानांना श्रद्धांजली अर्पण करण्यासाठी पुण्यातील स्वरकिरण सांगीतिक रंगमंच या संस्थेच्या वतीने ‘मैं ना भुलूंगा’ हा सांगीतिक आणि सामाजिक कार्यक्रम नुकताच संपन्न झाला.
ऑपरेशन सुंदर मध्ये शहीद जवान स्व. संदीप पांडुरंग गायकर ब्राह्मणवाडा, जि. अहिल्यानगर यांना श्रद्धांजली अर्पण करून त्यांचे कुटुंबीय आई-वडील, वीर पत्नी व मुले देखील उपस्थित होते. प्रसंगी संस्थेचे संस्थापक निर्माते ॲड. पी. टी. जगदाळे यांच्या सहकार्यातून अर्थसहाय्य देखील या कुटुंबीयांना करण्यात आले.
घोले रोडवरील पंडित जवाहरलाल नेहरू सभागृहात झालेल्या कार्यक्रमाप्रसंगी निवृत्त लेफ्टनंट कर्नल सतीश हंगे, नि. कर्नल किशोर मोरे, प्रभाकर पवार, डॉ. देवीदास अत्तरदे, रवी जगदाळे, काशीराम चव्हाण, श्रीधर भोसले, उमेश उपाळे, सौ. किरण सावंत, विजय महाडिक, राजेश महाडिक, वीरेंद्र नागतोडे आदी उपस्थित होते.
