मुख्यमंत्री देवेंद्र फडणवीस साहेबांना वाढदिवसाच्या हार्दिक शुभेच्छा!
महाराष्ट्राचे लोकप्रिय मुख्यमंत्री आदरणीय श्री. देवेंद्र फडणवीस साहेबांचा आज वाढदिवस. यानिमित्त सर्वप्रथम त्यांना मनःपूर्वक शुभेच्छा देतो. महाराष्ट्र ‘सुजलाम्-सुफलाम्’ राज्य व्हावं म्हणून कार्यरत असलेल्या माननीय मुख्यमंत्री फडणवीस साहेबांना परमेश्वर शक्ती देवो, निरोगी व उदंड आयुष्य देवो, त्यांच्या हातून देशाची सेवा घडो… ही प्रार्थना!
निष्कलंक नेतृत्व : आजपर्यंतच्या कारकीर्दीत एकही भ्रष्टाचाराचा आरोप न झालेले नेतृत्व. स्वच्छ व निष्कलंक चारित्र्य असलेल्या संपूर्ण देशातल्या मोजक्या मुख्यमंत्र्यांच्या यादीत फडणवीस साहेबांचा समावेश आहे.
जातीपातीच्या पलीकडलं नेतृत्व : महाराष्ट्राचे मुख्यमंत्री म्हणून काम करताना सर्व समाजाच्या सर्वांगीण विकासाकरीता जातीपातीच्या पलीकडं जाऊन फडणवीस साहेब काम करीत आहेत.
उच्च शिक्षित नेतृत्व : निष्कलंक चारित्र्य आणि उच्च विद्याविभूषित मुख्यमंत्री. नागपूरमधून कायद्याची पदवी. तर, जर्मनीतून बिझनेस मॅनेजमेंटमध्ये पदवीचं शिक्षण पूर्ण. असे उच्च शिक्षित मुख्यमंत्री देशात खूपच कमी आहेत.
दूरदृष्टी नेतृत्व : हुशार व चाणाक्ष असलेल्या फडणवीस साहेबांना भारतातल्या युवा पिढीच्या अपेक्षा, त्यांची गरज अतिशय नेमकेपणानं माहिती आहे. उद्याच्या महाराष्ट्राचे, भारताचे आणि युवा पिढीचे भविष्य सुरक्षित व उज्ज्वल करण्यासाठी दूरदृष्टी ठेवून मुख्यमंत्री फडणवीस साहेब काम करीत आहेत.
कर्तृत्ववान नेतृत्व : मुख्यमंत्री फडणवीस साहेबांनी महाराष्ट्राला सर्वप्रथम मानून शेती, उद्योग-व्यापार, शिक्षण, आरोग्य आदी सर्वच क्षेत्रात महाराष्ट्राला अग्रेसर ठेवण्याचा संकल्प केला आहे. देशाची अर्थव्यवस्था ५ ट्रिलियन डॉलर्सची करण्याचं आदरणीय पंतप्रधान नरेंद्र मोदीजींनी स्वप्न पाहिलंय. आणि ते पूर्ण करण्यासाठी एकट्या महाराष्ट्राचा वाटा १ ट्रिलियन डॉलर्स करण्याचा दृढसंकल्प देवेंद्रजींनी केला आहे. फडणवीस हे कर्तृत्ववान आहेत. त्यांच्या नेतृत्वात हे स्वप्न निश्चित पूर्ण होईल.
विकास प्रकल्प : मुंबई-नागपूर समृद्धी महामार्ग, प्रस्तावित नागपूर ते गोवा शक्तिपीठ महामार्ग, मुंबई, पुणे व नागपूर शहरात मेट्रो, मुंबईमध्ये कोस्टल रोड, अटल सेतू व ट्रान्स-हार्बर लिंक, मुंबई-पुणे मिसिंग लिंक, नवी मुंबईमध्ये आंतरराष्ट्रीय विमानतळ, पुणे जिल्ह्यातील पुरंदर येथे प्रस्तावित आंतरराष्ट्रीय विमानतळ, पुण्यात रिंग रोड, २४ तास पाणीपुरवठा व नदी सुधार प्रकल्प, मराठवाड्यात वॉटर ग्रीड प्रकल्प, जलशिवार योजना याबरोबरच रस्ते, रेल्वे, विमान, सार्वजनिक बस, शेतकरी, कष्टकरी, आरोग्य, शिक्षण संदर्भात अनेक महत्वाकांक्षी प्रकल्प मुख्यमंत्री फडणवीस साहेबांच्या काळातले आहेत.
साहेब… आपलं नेतृत्व असंच बहरत जावो आणि आपल्या हातून महाराष्ट्राची व देशाची सेवा घडो! त्यासाठी परमेश्वर आपल्याला दीर्घायुष्य, उत्तम आरोग्य देवो हीच मनोभावे प्रार्थना!
वाढदिवसाच्या पूनश्च एकदा खूप खूप शुभेच्छा!
आपलाच,
संजय काकडे उपाध्यक्ष,भाजपा महाराष्ट्र माजी खासदार,राज्यसभा
