पुणे-राज्याचे उपमुख्यमंत्री अजितदादा पवार यांच्या येत्या २२ जुलै रोजीच्या वाढदिवसानिमित्त पुणे जिल्हा शिक्षण मंडळाच्या वतीने आयोजित पुणे ते बारामती राष्ट्रीय तसेच राज्यस्तरीय सायकल स्पर्धेचे उद्घाटन पुण्याच्या ऐतिहासिक वैभवाचे प्रतीक असलेल्या शनिवारवाडा येथून झेंडा दाखवून करण्यात आले.
या भव्य सोहळ्यास सावित्रीबाई फुले पुणे विद्यापीठाचे कुलगुरू डॉ. सुरेश गोसावी, रामानंद तीर्थ विद्यापीठ नांदेडचे कुलगुरू श्री. मनोहर चासकर, पुणे जिल्हा शिक्षण मंडळाचे उपाध्यक्ष श्री. राजेंद्र घाडगे, मानद सचिव श्री. संदीप कदम, राष्ट्रवादी काँग्रेस पक्षाचे शहराध्यक्ष श्री. सुभाष जगताप, कार्याध्यक्ष सौ. रूपालीताई ठोंबरे व श्री. प्रदीप देशमुख, आयएएस अधिकारी श्री. विजय देशमुख, पक्षाचे विविध पदाधिकारी तसेच प्रचंड मोठ्या संख्येने स्पर्धक उपस्थित होते.
गतवर्षी याच स्पर्धेत १२२ किमी अंतर २ तास ३५ मिनिटांत पूर्ण करून सेनादलातील स्पर्धकाने विक्रमी कामगिरी केली होती. यंदा या विक्रमाचा पुढचा टप्पा गाठून नवीन राष्ट्रीय व आंतरराष्ट्रीय दर्जाचे सायकलपटू घडावेत, अशी शुभेच्छा..!
अजितदादा पवार यांच्या वाढदिवसानिमित्त गेल्या नऊ वर्षांपासून या स्पर्धेचे सातत्यपूर्ण आयोजन केले जात आहे. यासाठी पुणे जिल्हा शिक्षण मंडळ, सायकलिंग फेडरेशन ऑफ इंडिया व सायकलिंग असोसिएशन ऑफ महाराष्ट्र यांचे विशेष परिश्रम असतात .
