पुणे- खडक पोलिसांच्या हद्दीत लोहीयानगर मध्ये छापा मारून ४,८७,२०४ रुपयांचा अवैध गुटखा साठा पुणे पोलिसांनी जप्त केला आणि रियाज नुर खान, वय ४० वर्षे, रा. ५४ ए.पी. लोहीयानगर, गल्ली नं ०१, राममंदीर, पुणे याला अटक केली .
पोलिसांनी सांगितले कि,’ खडक पोलीस स्टेशन पुणे शहर हददीत पेट्रोलिंग करीत असताना पोलीस अंमलदार हर्षल दुडम_यांना मिळालेल्या बातमीच्या अनुषंगाने लोहियानगर गल्ली नं-०१ राम मंदिर जवळील पठाण पान शॉप मध्ये अवैद्य गुटखा विक्री चालु असल्याचे निदर्शनास आल्याने दुकानावर छापा घातला असता सदर दुकानामध्ये प्रतिबंधीत गुटखा पान मसाला असे एकुण ४,८७,२०४/- रु. किं. चा मुद्येमाल प्रतिबंधीत पदार्थाची विक्री करीता साठवणूक करून ठेवलेला मिळून आला. त्या अनुषंगाने खडक पोलीस स्टेशनला दि.२५/०६/२०२५ रोजी गुन्हा रजि. नं. ३२४/२०२५ भारतीय न्याय संहिता कलम १२३,२२३,२७४,२७५,३ (५) व अन्न सुरक्षा मानके कायदा २००६ चे कलम ३०(२) (अ), ३१ (१),२६ (२) (१) २६ (२) (IV) अन्नसुरक्षा मानदे कायदा प्रोव्हिबिशन अॅन्ड रिस्ट्रीक्शन ऑन सेल नियमन २०११ चे नियगन २.३.४ चे उल्लंघन केले आहे. तसेच सह वाचन ३(I) ZZ चे उल्लंघन केल्याने ५९ चे उल्लंघन केले म्हणून गुन्हा दाखल करण्यात आलेला आहे.
या गुन्हयात गुटखा धारक आरोपी रियाज नुर खान, वय ४० वर्षे, रा. ५४ ए.पी. लोहीयानगर, गल्ली नं ०१, राममंदीर, पुणे, यांचे विरुध्द वरील प्रमाणे गुन्हा नोंद करण्यात आलेला आहे. त्याने गुटखा कोठून आणला, कोणाकडून आणला, कोणत्या वाहनातून आणला, कोणाला विक्री केला, व पोलीस ठाणे हद्दीमध्ये अजून कोणाकडे अवैध गुटखा सुरू आहे सदर आरोपी याला न्यायालयात हजर केले असता न्यायालयाने आरोपीला ०२ दिवस पोलीस कस्टडी दिली होती. सध्या आरोपी याला कोर्टाने न्यायालयीन कस्टडी दिली आहे. तरी याबाबत पुढील तपास पोलीस उप-निरीक्षक प्रल्हाद डोंगळे, खडक पोलीस स्टेशन हे करीत आहेत.
नमूद कारवाई ही अपर पोलीस आयुक्त पश्चिम प्रादेशिक विभाग पुणे शहर राजेश बनसोडे ,पोलीस उप-आयुक्त परि ३. पुणे शहर अति. कार्य परि.१ ,संभाजी कदम ,सहा. पोलीस आयुक्त अनुजा देशमाने यांचे मार्गदर्शनाखाली खडक पोलीस स्टेशनचे वरिष्ठ पोलीस निरीक्षक शशीकांत चव्हाण व पोलीस निरीक्षक गुन्हे श्रीमती शर्मिला सुतार, पोलीस निरीक्षक मनोजकुमार लोंढे, सहा. पोलीस निरीक्षक अर्जुन कुदळे, पोलीस उप-निरीक्षक प्रल्हाद डोगळे, पोलीस अंमलदार हर्षल दुडम, किरण ठवरे, अनिल फरांदे, अक्षयकुमार वाबळे, कृष्णा गायकवाड, शुभम केदारी, विश्वजित गोरे, योगेश चंदेल, निलेश दिवटे, शोएब शेख, मयूर काळे यांचे पथकाने केली आहे.
