१२ किलो गांजासह लोहगावच्या तरुणाला पकडले

पुणे-१२ किलो गांजासह लोहगावच्या तरुणाला पुणे पोलिसांनी पकडले आहे. या संदर्भात पोलिसांनी सांगितले कि,’ दि.२२/०६/२०२५ रोजी विमानतळ पोलीस स्टेशनचे हद्दीमध्ये पेट्रोलिंग करीत असताना विमानतळ पोलीस स्टेशनचे तपास पथकाचे प्रभारी पोलीस उप-निरीक्षक, नितीन राठोड यांना गोपनिय बातमीदारा मार्फत बातमी मिळाली की, लोहगाव कर्मभुमीनगर येथे एक इसम गांजा हा अंमली पदार्थ घेवुन थांबलेला आहे.
सदर गोपनीय बातमीच्या अनुषंगाने पोलीस उप-निरीक्षक नितीन राठोड व तपास पथकातील स्टाफने सापळा रचुन सदर इसमास शिताफीने ताब्यात घेतले. सदर इसमास त्याचे नाव पत्ता विचारले असता त्याने त्याचे नाव अखिलेश गरीब मंडल वय ३४ वर्षे रा. लेन नं ०१, कर्मभुमीनगर, काळभोर वस्ती, लोहगाव पुणे असे असल्याचे सांगितले. त्याचेकडील कापडी पिशवीची झडती घेतली असता त्या पिशवीमध्ये ३,००,०००/-रु. किं.चा १२ किलो गांजा हा अंमली पदार्थ मिळुन आला आहे. सदर इसमा विरुध्द विमानतळ पोलीस स्टेशन पुणे शहर येथे गु.र.नं. २९२/२०२५ एन. डी.पी.एस. अॅक्ट कलम ८ (क), २० (ब) (II) (ब) प्रमाणे गुन्हा दाखल करून सदर गुन्हयामध्ये नमुद इसमास अटक करण्यात आली आहे.
सदरची कारवाई ही अपर पोलीस आयुक्त, पुर्व प्रादेशिक विभाग, पुणे शहर, मनोज पाटील पोलीस उप-आयुक्त परि ०४ पुणे शहर, हिम्मत जाधव, सहाय्यक पोलीस आयुक्त, येरवडा विभाग, पुणे शहर, श्रीमती प्रांजली सोनवणे यांचे मार्गदर्शनाखाली वरिष्ठ पोलीस निरीक्षक, विमानतळ पोलीस स्टेशन गोविंद जाधव, पोलीस निरीक्षक (गुन्हे), श्रीमती आशालता खापरे, पोलीस उप-निरीक्षक नितीन राठोड, पोलीस अंमलदार रुपेश पिसाळ, शैलेश नाईक, राकेश चांदेकर, अंकुश जोगदंडे, दादासाहेब बर्डे, योगेश थोपटे, ज्ञानदेव आवारी, हरीप्रसाद पुंडे, लालु कन्हे, शंकर वाघुले यांचे पथकाने केली आहे.