पुणे-पडलेल्यांना पुन्हा पुन्हा उमेदवारी देऊ नका अशी मागणी करत आता पुण्यातील ज्येष्ठ नगरसेवक आबा बागुल यांनी लोकसभेच्या रिंगणात उडी घेतली असून लोकमत ज्याच्या पाठीशी ज्याला कधीही जनतेने डावलले नाही अशा उमेदवारांचा विचार व्हावा असे म्हटले आहे. तर दुसरीकडे कॉंग्रेसचे शहर अध्यक्ष अरविंद शिंदे यांनी आज पुणे लोकसभेसाठी इच्चुकांच्याकडून अर्ज मागविले त्यात त्यांच्या स्वताच्या अर्जासह,एकूण १४ जणांनी इच्छुक म्हणून पक्षाकडे अर्ज दिल्याचे म्हटले आहे.मात्र त्यात मोहन जोशी यांचे नाव नाही,त्यांनी रीतसर शहर अध्यक्ष यांच्याकडे इच्छुक म्हणून उमेदवारी मागण्यासाठी अर्ज दाखल करायला हवा तो केलेला नाही तर याबाबत मोहन जोशींना विचारता आपण लोकसभेसाठी इच्छुक आहोत आणि शहर कार्यालयात अर्ज देखील दिल्याचे त्यांनी म्हटले.मात्र त्यांच्याकडे अर्जाची पोहोच मागितली असता त्यांनी दिलेल्या फोटो कॉपीवरून जोशी यांनी प्रदेश अध्यक्ष यांच्या नावे शहर कार्यालयात अर्ज देऊन उमेदवारी मागितली असल्याचे स्पष्ट झाले आहे.
शहर कॉंग्रेसने उमेदवारी साठी इच्छुक म्हणून अर्ज दिलेल्यांमध्ये खालील १४ नावांचा समावेश आहे.
१ श्री.अरविंद शिंदे (अध्यक्ष, पुणे शहर काँग्रेस)
२ श्री. बाळासाहेब शिवरकर (माजी मंत्री)
३श्री. रविंद्र धंगेकर (आमदार)
४ श्री. अभय छाजेड (सरचिटणीस, म.प्र.काँ.क.)
५ श्री. अनंत गाडगीळ (माजी आमदार)
६ श्रीमती. दिप्ती चवधरी (माजी आमदार)
७श्री. आबा बागुल (माजी उपमहापौर)
८श्री. गोपाळ तिवारी (प्रवक्ते, म.प्र.काँ.क.)
९श्रीमती. संगीता तिवारी (उपाध्यक्ष, म.प्र.म.काँ.क.)
१०श्री. यशराज पारखी (प्रदेश प्रतिनिधी)
११श्री. मुकेश धिवार
१२श्री. राजू नागेंद्र कांबळे
१३श्री. मनोज पवार
१४श्री. संग्राम खोपडे (आर. जे.)
मोहन जोशींचा अर्ज,शहराध्यक्षांना ओव्हरटेक करून प्रदेशाध्यक्षांकडे मात्र व्हाया पुणे कॉंग्रेसच
दरम्यान माजी आमदार आणि निष्ठावंत म्हणून ख्याती असलेले कॉंग्रेसचे नेते मोहन जोशी यांनी तसेच माजी नगरसेवक वीरेंद्र किराड यांनी देखील लोकसभेसाठी उमेदवारी मागणारा अर्ज प्रदेश अध्यक्ष यांच्या नावे दिला आहे. मात्र हा अर्ज शहर कॉंग्रेसच्या कार्यालयातच दिल्याचे स्पष्ट दिसते आहे.
