सह्याद्रि रुग्णालयाच्या डेक्कन जिमखाना शाखेला इनॉक्सपा इंडियाकडून सीएसआर अनुदान

पुणे: पुण्यातील डेक्कन जिमखाना स्थित सह्याद्रि सुपरस्पेशालिटी रुग्णालयातील वैद्यकीय सुविधा
आता आणखी मजबूत झाल्या आहेत. इनॉक्सपा इंडिया या कंपनीने आपल्या सामाजिक उत्तरदायित्व कार्यक्रमांतर्गत
(सीएसआर) रुग्णालयाला महत्त्वाची वैद्यकीय उपकरणे भेट दिली आहेत. या योगदानामध्ये पल्स ऑक्सिमीटर, ईसीजी
मशीन, मॉनिटर २, सिरिंज पंप, एक्स-रे मशीन आणि एसीटी मशीन आदींचा समावेश आहे. ही सर्व उपकरणे रुग्णांच्या
आजारांचे अचूक निदान करण्यासाठी उपयोगी ठरणार आहेत. रुग्णांची योग्य तपासणी करुन त्यांना आपातकालीन
परिस्थितीत तातडीने प्रतिसाद देण्यासाठीही ती उपयुक्त ठरतील. या सहकार्यामुळे रुग्णालयाची सेवा अधिक प्रभावी व
आधुनिक होणार आहे.
डेक्कन जिमखाना परिसरातील सह्याद्रि सुपरस्पेशालिटी रुग्णालयात नुकताच हा कार्यक्रम पार पडला. या कार्यक्रमाला
इनॉक्सपा इंडिया कंपनीचे संचालक अरविंद मूडी, मुख्य वित्तीय अधिकारी अनिकेत कुंजीर, मानव संसाधन व
औद्योगिक संबंधाचे वरिष्ठ व्यवस्थापक हितेश परमार आदी मान्यवर उपस्थित होते. सह्याद्रि रुग्णालयाचे चीफ
लीगल अँड कॉम्प्लायन्स ऑफिसर, डॉ. अमितकुमार खातू आणि कोकण मित्र मंडळ मेडिकल ट्रस्टचे ट्रस्टी महेश
कुलकर्णी यांचीही या कार्यक्रमला उपस्थिती लाभली.
सीएसआर अंतर्गत मिळालेल्या उपकरणांच्या अनावरणाप्रसंगी इनॉक्सपा इंडियाचे संचालक अरविंद मूडी यांनी
सांगितले, ‘‘डेक्कन जिमखाना येथील सह्याद्रि रुग्णालयाच्या उच्च दर्जाच्या आरोग्यसेवा मिशनमध्ये सीएसआर
उपक्रमांतर्गत आम्हांला सहभागी होता आले आहे. या सहभागाबद्दल आम्हांला खरंच अभिमान वाटतो. या सीएसआर
उपक्रमाद्वारे डॉक्टर आणि परिचारिकांना अधिक वेगाने प्रतिसाद देण्यासाठी, अचूक निदान करण्यासाठी आणि अधिक
समर्पित सेवा देण्यासाठी आवश्यक साधने उपल्ब्ध करुन देण्याचा आमचा प्रयत्न आहे. डेक्कन जिमखाना येथील
सह्याद्रि रुग्णालय हे रुग्णांना आधुनिक आणि सहानुभूतीपूर्वक आरोग्यसेवा देण्याचे अतिशय प्रशंसनीय कार्य करत
आहेत. इनॉक्सपा कंपनीचा विश्वास आहे की, आरोग्य व्यवस्था बळकट करणे हे समाजाच्या सेवेसाठी केलेले सर्वात
महत्त्वाचे योगदान आहे.’’
डेक्कन जिमखाना येथील सह्याद्रि रुग्णालयाचे युनिट प्रमुख अभिनव जोशी यांनी आभार व्यक्त करताना सांगितले,
“इनॉक्सपा इंडियाकडून मिळालेली ही मदत अतिशय उपयुक्त आहे. ही प्रगत यंत्रसामग्री आमच्या कार्यक्षमतेत वाढ तर
करेलच, पण वेळेवर रुग्णांचे उपचार व त्यांच्या तब्येतीत सुधारणा करण्यासही मदत करेल.”
सह्याद्रि रुग्णालय इनॉक्सपा इंडिया प्रायव्हेट लिमिटेडचे त्यांच्या सततच्या पाठिंब्याबद्दल तसेच सुलभ, प्रगत आणि
सहानुभूतीपूर्ण आरोग्यसेवेच्या सामायिक दृष्टिकोनाबद्दल मनापासून आभार मानते.