पुणे- पुण्याच्या माजी महापौरांच्या संघटनेने महापालिकेचे नवनिर्वाचित आयुक्त नवल किशोर राम यांना मोठं कठीण कोडं घातलं आहे. महापौर संघटनेच्या वतीने आज आयुक्त नवल किशोर राम यांचे अभिनंदन तर करण्यात आलेच पण त्यांना असेही म्हटले आहेकी, शहराच्या कायम असलेल्या समस्या तुम्हालाही ठाऊक आहेतच तुम्ही त्यांचा कायमचा बंदोबस्त कसा कार्ल हे जरा स्पष्ट कराल काय ?आणि कायमचा बंदोबस्त करू शकाल काय ?
माजी महापौर संघटनेचे राजलक्ष्मी भोसले,कमल व्यवहारे,अंकुश काकडे,मुरलीधर मोहोळ,बंदना चव्हाण,बाळासाहेब शिवरकर
,शांतीलाल सुरतवाला,दत्तात्रय गायकवाड,दिप्ती चवधरी, दत्तात्रय धनकवडे, प्रशांत जगताप असे मान्यवर सभासद आणि पदाधिकारी आहेत . यांच्या वतीने आज काही माजी महापौरांनी आयुक्तांची भेट घेतली .त्यांनी यावेळी आयुक्तांना दिलेल्या पत्रात असे म्हटले आहे कि,’
सर्व प्रथम आपले आमच्या संघटनेतर्फे मनःपूर्वक अभिनंदन. या पूर्वी पुणे जिल्हाधिकारी म्हणून आपण काम केले आहे. त्यामुळे पुणे शहराची आपणांस ओळख आहेच,
आम्ही आपणांस शहरातील काही महत्वाचे प्रश्नांकडे लक्ष वेधू इच्छितो.
१) पुणे शहरात मोठ्या प्रमाणावर अतिक्रमणे झाली आहेत, त्यावर तात्पुरती कारवाई होते, यासाठी कायम स्वरूपी योजना तयार करणे,
२) अनधिकृत स्टॉल्स, फेरीवाले हे मोठ्या संख्येने झाले आहेत, त्या संदर्भात कारवाई करणे,
३) पुणे शहरातील रस्त्यांची दुरावस्था झाली आहे, याकडे गांभीयनि लक्ष द्यावे.
४) पावसाचे पाणी अनेक ठिकाणी तुंबते त्याचा निचरा होत नाही, त्यासाठी उपाय योजना करणे,
५) पुणे शहरातील वाहतूक समस्या अतिशय गंभीर झाली आहे, त्यासाठी वाहतूक नियोजन या पदावर तज्ञ व्यक्तीची नेमणूक करावी.
६) शहरात लावले जाणारे अनधिकृत फ्लेक्स, बोर्ड, बॅनर या संदर्भात कडक कारवाई करावी, ज्यांचे नावाने बोर्ड असतील त्यांचेवर फौजदारी कारवाई करावी.
या काही महत्वाच्या बाबी आम्ही आपल्या नजरेस आणू इच्छितो. सविस्तर चर्चा निश्चित
करू. आमच्या संघटनेचे आपणांस सदैव सहकार्य राहील.
