पुणे दि. 5 : छत्रपती शिवाजी महाराज शासकीय औद्योगिक प्रशिक्षण संस्था, औंध, या संस्थमध्ये प्रवेश सत्र 2025-26 करीता स्टेनोग्राफी मराठी लेघुखनसाठी प्रवेश प्रक्रिया सुरु झालेली आहे. प्रवेशाकरीता https://msbsvet.edu.in या लिंकवरुन प्रशिक्षणार्थ्यांनी 31 जुलै 2025 पर्यंत ऑनलाईन रजिस्ट्रेशन करावे. ऑनलाईन भरलेल्या अर्जाची प्रत तसेच प्रवेशाकरीता आवश्यक कागदपत्रांच्या छायांकित प्रती संस्थेमध्ये 01 ऑगस्ट 2025 पर्यंत जमा करावेत. गुणवत्ता यादी 04 ऑगस्ट 25 रोजी तयार करण्यात येणार असून प्रत्यक्ष प्रवेशाची कार्यवाही 06 ऑगस्ट 2025 रोजी छत्रपती शिवाजी महाराज शासकीय औद्योगिक प्रशिक्षण संस्था, औंध, पुणे येथील मुख्य इमारतीच्या कौशल्य हॉल येथे होणार आहे प्रवेशित उमेदवारांचे नियमित प्रशिक्षण दि 07 ऑगस्ट 2025 पासून सुरु होणार आहे.
तरी या इच्छुक उमेदवारांनी ऑनलाईन अर्ज भरावेत असे आवाहन उपसंचालक, स.मा. धुमाळ, छत्रपती शिवाजी महाराज शासकीय औद्योगिक प्रशिक्षण संस्था, औंध यांनी केले आहे.
