पुणे:नणंद आणि तिच्या मुलांनी केलेल्या छळामुळे विवाहितेने गळफास घेऊन आत्महत्या केल्याची घटना धनकवडीत घडली. याप्रकरणी नणंदेसह चौघांविरुद्ध सहकारनगर पोलिसांनी गुन्हा दाखल केला आहे.
वर्षा तुकाराम रणदिवे (वय ३५, रा. व्यंकटेश अपार्टमेंटसमोर, गोविंदराव पाटीलनगर, धनकवडी) असे आत्महत्या केलेल्या महिलेचे नाव आहे. याप्रकरणी नणंद उज्ज्वला बागाव, भाचा योगेश बागाव (वय ३५), भाची वैशाली बागाव (वय ३२) व भाची सुवर्णा बागाव (वय २५) यांच्यावर गुन्हा दाखल केला आहे. याबाबत पती तुकाराम रणदिवे (वय ५३, रा. धनकवडी) यांनी फिर्याद दिली.
पोलिसांनी दिलेल्या माहितीनुसार, उज्ज्वला बागाव या फिर्यादी तुकाराम रणदिवे यांची बहीण आहे. रणदिवे आणि बागाव शेजारी राहायला आहेत. उज्ज्वला, तिचा मुलगा योगेश, मुलगी वैशाली आणि सुवर्णा यांनी वर्षा यांना टोमणे मारून तिचा छळ केला. छळ असह्य झाल्याने वर्षा यांनी आठ मे रोजी गळफास घेऊन आत्महत्या केली.
याप्रकरणी सहकारनगर पोलिसांनी अकस्मात मृत्यूची नोंद केली होती. मात्र, आरोपींनी केलेल्या छळामुळे वर्षा यांनी आत्महत्या केल्याचे पोलिसांनी केलेल्या तपासात उघडकीस आले. त्यामुळे आत्महत्येस प्रवृत्त केल्याप्रकरणी गुन्हा दाखल करण्यात आला आहे. या गुन्ह्याचा तपास सहायक पोलिस निरीक्षक विशाल पवार करत आहेत.
छळामुळे पत्नीने केली आत्महत्या,पतीनेच दिली फिर्याद
Date:
More like thisRelated
देशात दुग्ध क्रांतीचे नवे पर्व:’श्वेत क्रांती २.०’ अंतर्गत ७५ हजार नव्या सहकारी संस्थांचे उद्दिष्ट; मुरलीधर मोहोळ यांची राज्यसभेत माहिती
नवी दिल्ली / पुणे : "सहकाराच्या माध्यमातून देशात 'श्वेत...
राज्यातील सर्वात मोठा सौर ऊर्जेचा महोत्सव पुण्यात
‘मास्मा रिन्यूएबल एनर्जी एक्स्पो’ १३ ते १५ फेब्रुवारीदरम्यान
पुणे, ...
केंद्र सरकारच्या कामगार कायद्याविरोधातील उद्याच्या ‘भारत बंद’ला काँग्रेसचा पाठिंबा.
मुंबई, दि. ११ फेब्रुवारी २०२६
केंद्रातील भाजपा सरकारने कामगार कायद्यात...
मुख्यमंत्री देवेंद्र फडणवीसांकडून जनतेची फसवणूक, वीज स्वस्त नाही तर १६% ने महाग होणार: अतुल लोंढे
महाराष्ट्रापेक्षा कर्नाटक, तेलंगणा, गुजरातमधील वीज दर स्वस्त कसे, अदानीच्या...