पुणे-साेन्याचे दागिने परीधान करणे ही आपल्याकडील अनेक कुटुंबात परंपरा आहे. परंतु सध्या साेन्याचा किंमती सुमारे एक लाख प्रति १० ग्रॅम झाले असल्याने दागिन्यांत भेसळ करुन विक्रीचे प्रमाण देखील वाढत असल्याचे तक्रारी माेठ्या प्रमाणात येऊ लागल्या आहेत. ग्राहक नवीन दागिन्यांसाठी जुन्या – दागिन्यांची अदला बदली माेठ्या प्रमाणावर करत आहेत. त्यामुळे पुनर्नूतनीकरण केलेल्या साेन्याच्या व्यवहारात वाढ झाली आहे. तसेच साेन्याचे दागिने गहाण ठेऊन देखील कर्ज काढण्याचे प्रमाण वाढलेले असल्याने साेन्याची तात्काळ शुध्दता तपासणे महत्वपूर्ण बनले असून साेने शुध्दतेची तपासणी करणाऱ्या एक्सरे मशीन मागणी वाढत असल्याचे मत गाेदरज एंजटरप्राइजेस ग्रुपच्या सुरक्षा समाधान व्यवसायाचे प्रमुख पुष्कर गाेखले यांनी पत्रकार परिषदेत व्यक्त केले आहे.
गाेखले म्हणाले, साेने हे माैल्यवान दागिने असल्याने त्याची सुरक्षा देखील महत्वाची मानली जात आहे. परंतु ते साेनार किंवा बँकेकडे गहाण ठेवण्यासाठी ग्राहक आल्यावर त्याची शुध्दता तात्काळ तपासणीसाठी गाेदरेजने डिफेंडर ऑरम प्राे राॅयल उपकरण आणले आहे. ज्वेलरी रिटेल, हाॅलमार्किंग केंद्रे व साेने कर्ज सेवात संलग्न बँका यांच्यासाठी शुध्दता तपासणीसाठी ते महत्वपूर्ण ठरत आहे. त्याचप्रमाणे घरफाेडीचे प्रमाण देखील वाढत असल्याने सुरक्षेच्या दृष्टीने जमीनी खालील लाॅकरची मागणी वाढली आहे. सेंट्रल व्हिस्टा, लष्करी संस्थेसह अनेक महत्वपूर्ण ठिकाणी आम्ही लाॅकर देत असून जीपीएस ट्रॅकिंग व्यवस्था, रिमाेट वापर यांना देखील मागणी आहे. सध्या साेने कर्ज व्यवसाय २८ ते ३० टक्क्यांनी वाढलेला असून साेने कर्ज तारण याेजनेत अनेक कंपन्या, बँका उतरल्या आहेत. साेन्याचे भाववाढीमुळे तात्काळ छाेट कर्ज घेण्यासाठी साेने तारण कर्ज वाढल्याने त्याची सुरक्षा देखील महत्वपूर्ण ठरत आहे.
