पुण्यातून कोकणात जाणाऱ्या व कोकणातून पुढे जाणाऱ्या पर्यटकांची गर्दी असतानाच माणगाव ते पुणे मार्गावर ताम्हिणी घाटात अॅसिडने भरलेला टँकर उलटल्याने खळबळ उडाली आहे. हा मार्ग तातडीने सुरक्षेच्या उपायोजना म्हणून वाहतुकीसाठी तात्काळ बंद करण्यात आला आहे. त्यामुळे या मार्गावर दोन्ही बाजूला वाहनांच्या मोठ्या रांगा आहेत. हा मार्ग सुरू होण्यासाठी अजून तीन ते चार तासांचा कालावधी लागेल असे सांगितले जात आहे. घटनास्थळी पुणे जिल्ह्यातील व रायगड जिल्ह्यातील पोलीस व सुरक्षा यंत्रणा दाखल झाले आहेत.ताम्हिणी घाटात डोंगरवाडी गावाजवळ रविवारी (ता. 25) सकाळी हायड्रोक्लोरिक अॅसिड नेणारा टँकर रस्त्याच्या कडेला खाली पलटी झाला. यामुळे या ठिकाणी मोठ्या प्रमाणात अॅसिड गळती झाली आणि धूर देखील निघत होता. या अपघातात कोणालाही दुखापत झालेली नाही. घटनास्थळी वन विभागाचे कर्मचारी व पोलीस पोहचले त्यांनी खबरदारी घेऊन त्या ठिकाणी नियोजन केले. वाहतूक सुरळीत केली.त्यानंतर सह्याद्री वन्यजीव रक्षणार्थ सामाजिक संस्थेची टीम त्या ठिकाणी पोहोचली व अॅसिड गळती रोखणे, आजूबाजूचा परिसर सुरक्षित करणे आदी कार्यवाही सुरु झाली आणि टँकर काढण्यास सुरुवात करण्यात आली आहे. मात्र, या सगळ्यांसाठी अद्याप काही वेळ लागण्याची शक्यता आहे. रविवारची सुट्टी असल्याने सुट्टी संपून कोकणाकडून पुण्यात जाणाऱ्या वाहनांची मोठी गर्दी आहे तर या वेळेला सुट्ट्यांच्या शेवटच्या टप्प्यात पुण्यातून कोकणात दाखल होणाऱ्या वाहनांची संख्याही मोठी आहे.कोकणात रत्नागिरी व रायगड जिल्ह्यातून पुण्याकडे जाणारा हा सगळ्यात जवळचा मार्ग आहे. रत्नागिरी जिल्ह्यातील दापोली, खेड, मंडणगड, गुहागर चिपळूण तालुक्यातील अनेक प्रवासी वाहने या मार्गाचा उपयोग करतात. टँकर पलटी झाला ते डोंगरवाडी परिसरातील घाटातील ठिकाण पुणे जिल्ह्याचे हद्दीत आहे, पुणे पोलीसही घटनास्थळी दाखल झाले आहेत दरम्यान रायगड जिल्ह्यातील माणगाव पोलीसही घटनास्थळी रवाना झाले आहेत.
MH 04 HD 4530नंबरच्या या टँकर मध्ये अंदाजे 28000 हजार लिटर हायड्रोक्लोरिक ऍसिड होते. महाड ते पुणे असा प्रवास करत हा टँकर मे. बीटा केमिकल महाड MIDC येथून मे. पुणे मार्केटिंग, भेकराई नगर फुरसुंगी यथे जात असतांना गाव -डोंगरवाडी ताम्हिणी घाट जवळ धुके असल्यामुळे रोडचा अंदाज न आल्याने खचलेल्या रोडवरून सदर टँकर पलटी झाला टँकर मधील वाहन चालक अडकलेले होते मागून येणाऱ्या बस चालकाने बस थांबवून अडकलेल्या चालकाला सुखरूप बाहेर काढले चालकाला किरकोळ हातांच्या बोटाला जखम झाली.टँकर मधील ऍसिड हे खाली असलेल्या खोल दरीत वाहत गेले रोड वर वाहनांची वर्दळ असल्यामुळे ये जा करण्याऱ्यांना डोळ्यांची जळजळ होऊ लागली जवळपास 90% टँकर रिकामे झाले आहे सध्या क्रेन च्या साह्याने पलटी झालेले टँकर बाजूला करण्यात आले आहे. या कार्यामधे PMRDA अग्निशमन दल, मुळशी आपत्ती व्यवस्थापन टीम, LCS रिस्पॉस टीम, रायगड रेस्क्यू टीम, पोलीस अधिकारी, कर्मचारी मदतीने घटने ठिकाणी मदतकार्य पूर्ण झाले आहे.अपघातस्थळी कोणत्याही प्रकरची जीवितहानी झालेली नाही.
विजय महाजन -PMRDA
