पुणे-:- महावितरणच्या वतीने विश्रांतवाडी उपविभागीय कार्यालयात ऑनलाईन वीज बिल भरणाऱ्या ग्राहकांसाठी लकी ड्रॉ योजनेत बक्षीस वितरण सोहळा नुकताच पार पडला. या वेळी उपस्थित असलेल्या उपकार्यकारी अभियंता यांनी अधिकाधिक ग्राहकांनी ऑनलाईन पद्धतीने वीज बिल भरून महावितरणला सहकार्य करण्याचे आवाहन केले.
या लकी ड्रॉमध्ये रथीसन व्ही एन (लोहगाव ) यांना प्रथम पारितोषिक मिळाले. प्रवीण बाळासाहेब मोझे (लोहगाव ) व बिस्मिल्हाबी सरफोरद्दीन शेख (कलवड ) यांना द्वितीय पारितोषिक, तर चेतन चंद्रकांत गायकवाड (धानोरी ) व मायादेवी किशोर आढाव (लोहगाव ) यांना तृतीय पारितोषिक प्रदान करण्यात आले. प्रथम व द्वितीय पारितोषिक विजेत्यांना स्मार्टफोन, तर तृतीय पारितोषिक विजेत्यांना स्मार्ट वॉच देण्यात आले.
या वेळी विश्रांतवाडी उपविभागीय अतिरिक्त कार्यकारी अभियंता सरांगधर केनेकर , सहाय्यक अभियंता राहुल बेंद्रे , उपव्यवस्थापक महेश क्षीरसागर , ज्ञानेश्वर शेळके , आणि सहाय्यक लेखापाल प्रशांत उदबत्ते उपस्थित होते.
अति कार्यकारी अभियंता श्री केनेकर यांनी सौरऊर्जेचा वापर व वीज बचतीचे महत्त्वाची माहिती उपस्थिती त्यांना देऊन महावितरणच्या सौर प्रकल्पांच्या अनुदान योजनांची माहितीही दिली. सहाय्यक लेखापाल प्रशांत उदबत्ते यांनी ग्राहकांना महावितरणच्या डिजिटल सेवा आणि ऑनलाइन वीज बिल भरण्याचे फायदे स्पष्ट करत त्याचा वापर करण्याचे आवाहन केले. प्रास्ताविक राहुल बेंद्रे यांनी करून आभार मानले.
