पुणे- बाणेर परिसरातील चार स्पा सेंटरवर पुणे पोलिसांनी छापा टाकला. या कारवाईवेळी स्पा सेंटरमध्ये हाय प्रोफाइल सेक्स रॅकेट सुरू असल्याची माहिती समोर आलीय. बाणेरमधील बालेवाडी फाटा भागात ‘वेदा स्पा’ मध्ये मसाजच्या नावाखाली वेश्याव्यवसाय सुरू असल्याची माहिती पोलिसांना मिळाली.त्यानंतर पोलिसांनी छापा टाकून मसाज पार्लरचा व्यवस्थापक मोहिमुद्दीन अहमद अली (वय २२), तसेच मसाज पार्लर चालविणारी महिला आणि जागा मालकाविरुद्ध गुन्हा दाखल केला.याप्रकरणी अनैतिक मानवी व्यापार वाहतूक प्रतिबंधक कायद्यान्वये (पिटा) गुन्हा दाखल करण्यात आला असून, मसाज पार्लरचा व्यवस्थापक मोहीमुद्दीन अली याला अटक करण्यात आली, अशी माहिती बाणेर पोलीस ठाण्याचे वरिष्ठ पोलीस निरीक्षक चंद्रशेखर सावंत यांनी दिली.
पोलिसांनी या प्रकरणात बाप लेकासह तिघांवर गुन्हा दाखल केला आहे.स्पा सेंटरच्या नावाखाली वेश्या व्यवसाय चालवल्या प्रकरणी सिराज चौधरी आणि वसीम चौधरी या बाप-लेकाला अटक करण्यात आलीय. याशिवाय एका महिला व्यवस्थापकावरही गुन्हा दाखल करण्यात आलाय. विशेष म्हणजे हे स्पा सेंटर हाय प्रोफाइल भागात असल्याने या रॅकेटमध्ये असलेले ग्राहक आणि महिला उच्चभ्रू असल्याची माहिती समजते.बाणेर पोलिसांनी या स्पा सेंटरवर बनावट ग्राहक पाठवले. त्यानंतर स्पा सेंटरमधले काळे धंदे समोर आले. तिथं स्पा सेंटरच्या नावाखाली प्रत्यक्षात वेश्या व्यवसाय सुरू असल्याचं पोलिसांच्या तपासात उघड झालं. पोलिसांनी संबंधित स्पा चालक, व्यवस्थापक आणि जागा मालकावर महाराष्ट्र वैश्याव्यवसाय प्रतिबंधक कायद्यानुसार (PITA Act) गुन्हा दाखल केला आहे.पोलिसांनी बाप लेकाला अटक केली असून आरोपींना न्यायालयात हजर करण्यात आलंय. पुढील तपास पोलिस निरीक्षक सरिता चव्हाण यांच्या मार्गदर्शनाखाली सुरू आहे.
पोलिस बाणेरमधील इतर स्पा सेंटरवरही छापा टाकत असून यात आणखी धक्कादायक माहिती समोर येऊ शकते.मुलगा वसीम आणि सिराज चौधरी हे एका वृत्तपत्राच्या माध्यमातून सिराज चौधरी हे लोकांना ब्लॅकमेल करत असल्याचाही दावा केला जात आहे. सिराज यांचा मुलगा वसीम हा २४ थाई स्पाचा मालक आहे. सिराजला याआधी ठाणे पोलिसांनी एका महिलेवर बलात्कार प्रकरणी अटक केली होती. तर मुलगा वसीम हा पत्रकार म्हणून इतर स्पा, ब्युटी सलूनला भेटी देऊन स्पाय कॅमेऱ्यात काही गोष्टी रेकॉर्ड करायचा. त्याचा वापर करून तो ब्लॅकमेल करत असे. महिलांना वेश्या व्यवसाय करायला भाग पाडत होता अशीही माहिती समोर आली.
