लोरिएल पॅरिसची ब्रॅण्ड अम्बेसिडर म्हणून २८ व्या भागीदारी सोहळ्यात आलिया भट हजर राहणार
आलियासोबत अभिनेत्री ऐश्वर्या राय बच्चनही उपस्थित राहणार
पुणे , ५ मे २०२५ – लोरिएल पॅरिस हा जगप्रसिद्ध सौंदर्यप्रसाधन उत्पादनांचा ब्रॅण्ड आता कान्स फिल्म फॅस्टिवलमध्ये पुनरागमन करण्यासाठी सज्ज झाला आहे. १३ ते २४ मे दरम्यान कान्स फिल्म फॅस्टिवल सोहळा पार पडेल. कान्स फिल्म फेस्टिव्हलमध्ये लोरिएल पॅरिसचे ब्युटी पार्टनर म्हणून यंदाचे २८ वे वर्ष आहे. लाइट्स, ब्युटी एण्ड एक्शन ही संकल्पना यंदाच्या कान्स फिल्म फेस्टिवलमध्ये राबवली जाईल. प्रत्येकाच्या अंतरंगात एक आकर्षक सौंदर्य दडलेलं आहे, हे सौंदर्य तुमचा खरा आत्मविश्वास आहे, असा संदेश या संकल्पनेतून मांडण्यात आला आहे.
आपल्या अभिनयाने सर्वांना घायाळ करणारी प्रसिद्ध अभिनेत्री आलिया भट्ट ही यंदाच्या कान्स फिल्म फेस्टिव्हलचे प्रमुख आकर्षण ठरेल. लोरिएल पॅरिसची जागतिक ब्रॅण्ड एम्बेसिडर म्हणून आलिया कान्स फिल्म फेस्टिव्हलमध्ये पदार्पण करेल. आलियासोबतच माजी विश्वसुंदरी, प्रसिद्ध अभिनेत्री ऐश्वर्या रायही यंदाच्या कान्स फिल्म फेस्टिव्हलमध्ये उपस्थित असेल. गेली कित्येक वर्षे ऐश्वर्या राय या कान्स फिल्म फेस्टिव्हलमध्ये लोरिएल पॅरिससाठी ब्रॅण्ड एम्बेसिडर म्हणून प्रतिनिधीत्व करत आहे. अभिनय आणि सौंदर्याचा सुरेख संगम असलेल्या या दोन कसदार अभिनेत्रींची हजेरी ही सौंदर्यांची सकारात्मक व्याख्या असल्याचा महत्त्वपूर्ण संदेश लोरिएल पॅरिस देत आहे. सर्वसमावेशक सक्षमीकरण हा सकारात्मक विचार पसरवण्यासाठी लोरिएल पॅरिस कटिबद्ध आहे.
कान्स फिल्म सोहळ्याबद्दल अभिनेत्री, निर्माती आणि उद्योजिका आलिया भटने आपण प्रचंड उत्सुक असल्याचे सांगितले. आयुष्यात पहिल्यांदाच घडणा-या अनेक गोष्टींबाबत आपल्याला कुतुहूल असते. यंदाच्या वर्षी मी पहिल्यांदाच कान्स फिल्म फेस्टिव्हलमध्ये पाऊल ठेवणार आहे. सिनेमाच्या या अंतरंगी दुनियेत प्रवेश करण्यासाठी मी नक्कीच उत्सुक आहे. लाइट्स, ब्युटी एण्ड एक्शन ही संकल्पना यंदा राबवली जाईल. कान्स फिल्म फेस्टिव्हलमध्ये सहभाग घेणे ही माझ्यासाठी निश्चितच अभिमानास्पद बाब आहे. माझ्यासाठी सौंदर्य म्हणजे प्रत्येक माणसाच्या वेगळेपणाचा, आत्मविश्वासाचा आणि आत्म-सन्मानाचा उत्सव आहे. या विचारांचे सौंदर्य अमर्याद आणि अद्वितीय असते. स्त्रियांच्या अस्तित्वाचा आदर करणा-या आणि त्यांना स्वतःच्या प्रकाशाच चमकण्यासाठी सक्षण करणा-या लोरिएल पॅरिससोबत काम करणे हे माझ्यासाठी अभिमानास्पद आहे, असे आलिया भट्ट म्हणाली.
लोरिएल पॅरिस इंडियाचे महाव्यवस्थापक डारिओ झिझ्झी यांनीही कान्स फिल्म फेस्टिव्हलबद्दल आपले मत मांडले. ते म्हणाले, ‘‘कान्स फिल्म फेस्टिव्हल हा नेहमीच कथाकथानक, सर्जनशीलता आणि सांस्कृतिक संवादासाठी एक प्रभावी व्यासपीठ राहिला आहे. ही मूल्ये लोरिएल पॅरिसच्या विचारधारेशी जुळतात. या फिल्म फेस्टिव्हलचा अधिकृत मेकअप भागीदार म्हणून आम्ही २८ वर्ष पूर्ण करत आहोत. या जागतिक व्यासपीठावर आलिया भटचे स्वागत करताना आम्हांला आनंद होत आहे. या मंचावर गेल्या वीस वर्षांहून अधिक काळ ऐश्वर्या राय बच्चन आमच्यासाठी उपस्थित राहिल्या आहेत. यंदाही त्यांचा सहभाग आमच्यासाठी फार महत्त्वाचा आहे. या फेस्टिव्हलमध्ये आलिया भटचे पदार्पण हे जागतिक पातळीवर भारतीय सिनेमाचा वाढता प्रभाव दर्शवते. तिचे पदार्पण आमच्या ब्रॅण्डच्या जगभरातील विविध सौंदर्य आणि महिला सक्षणीकरणाचा उत्सव साजरा करण्याच्या बांधिलकीचे प्रतीक आहे.’’
लोरिएल पॅरिसने यावर्षी सामरिक भागीदारीसाठी देशातील प्रसिद्ध ऑनलाईन खरेदीचे व्यासपीठ नायकासोबत ब्युटी पार्टनर म्हणून भागीदारी केली आहे. या भागीदारीतून नायकाच्या ऑनलाईन खरेदीतून सौंदर्यप्रसाधने खरेदी करताना महिलांना कान्स फिल्म फेस्टिव्हलच्या रेड कार्पेट लूकही तयार करण्याची माहिती दिली जाईल. आता लोरिएल पॅरिसचे सर्वात जास्त मागणी असलेले प्लम्प एमबिशस लिप ऑईल नायकावर खास उपलब्ध झाले आहे. कान्स फिल्म फेस्टिव्हल सुरु असेपर्यंत नायकावर लोरिएलचे हे प्रसिद्ध लिप ऑईल खरेदी करता येईल.
लोरिएल पॅरिससोबतच्या भागीदारीबद्दल नायका ब्युटीचे कार्यकारी संचालक आणि मुख्य कार्यकारी अधिकारी अंचित नायर यांनीही आपली भूमिका जाहीर केली. ते म्हणाले, ‘‘ गेल्या ३० वर्षांपासून कान्स फिल्म फेस्टिव्हलमध्ये लोरिएल पॅरिसची उपस्थिती आहे. इतक्या वर्षांपासून लोरिएल पॅरिस जागतिक स्तरावर सौंदर्याचा उत्सव साजरा करत आहे. भारतात लोरिएल पॅरिसचा अधिकृत सौंदर्य भागीदार म्हणून नायकाला हा सहयोग आपल्या ग्राहकांना मिळवून देता येत आहे. नायकाच्या ४ कोटींहून अधिक ग्राहकांना आणि २०० हून अधिक स्टोअर्सला या भागीदारासून या फेस्टिव्हलची अनुभूती देता येईल. हे आमच्यासाठी निश्चितच अभिमानास्पद आहे. या जागतिक व्यासपीठावर भारतीय सौंदर्याचा सन्मान होत आहे. आपल्या सौंदर्यांवर नितळ विश्वास ठेवणा-या प्रत्येकाचा हा सन्मान आहे. ’’
यंदाच्या कान्स फिल्म फेस्टिव्हलमध्ये लोरिएल पॅरिसच्या जागतिक ब्रॅण्ड एम्बेसिडर इव्हा लॉन्गोरिया, व्हायोला डेव्हिस, जेन फोंडा, अजा नाऔमी किंग, अँकी मॅकडॉवेल, सिमोन अश्ले, एल फॅनिंग, बेबे विओ आणि यसेल्ट आदी नामवंत कलाकार उपस्थित राहतील. हे सर्वजण लोरिएल पॅरिसच्या अस्सल सौंदर्याचा उत्सव साजरा करण्याच्या ध्येयाचे प्रतिनिधीत्व करतात.
यावेळी लोरिएल पॅरिसकडून लाइट्स ऑन वुमेन्स अर्थ हा पुरस्कारही दिला जाईल. चित्रपटांमध्ये महिलांचा सहभाग वाढवण्यासाठी हा पुरस्कार दिला जातो. महिला चित्रपट निर्मात्यांना प्रकाशझोतात आणण्यासाठी तसेच त्यांना प्रोस्ताहित करण्यासाठी या पुरस्काराचे आयोजन केले जाते. हा पुरस्कार महिलांच्या कलेचे महत्त्व पटवून देण्यासाठी आणि चित्रपट उद्योगातील त्यांच्या व्यावसायिक प्रवासाला गती देण्यासाठी महत्त्वाचे व्यासपीठ म्हणून उदयास आले आहे.
या संपूर्ण महोत्सवात लोरिएल पॅरिसकडून वेगवेगळे मेकअप लूक प्रसिद्ध केले जातील. या आकर्षक लूकची संपूर्ण जबाबदारी ही जगप्रसिद्ध मेकअप क्रिएटीव्ह डायरेक्टर हॅरोल्ड जेम्स करतील. लोरिएल पॅरिससाठी ही जबाबदारी पेलण्यासाठी नुकताच हॅरोल्ड जेम्स यांनी हा कार्यभार स्विकारला आहे.
