सोमवारी युरोपीय देश स्पेन, पोर्तुगाल आणि फ्रान्समध्ये वीजपुरवठा खंडित झाला. यामुळे लाखो लोकांना विजेशिवाय जगावे लागत आहे. वीज पुरवठ्यात खंड पडल्यामुळे मेट्रो, विमानतळ, रेल्वे आणि मोबाईल नेटवर्क ठप्प झाले आहेत. वृत्तानुसार, युरोपियन इलेक्ट्रिक ग्रिडमध्ये बिघाड झाल्यामुळे हे संकट उद्भवले आहे.
नैऋत्य फ्रान्समधील अलारिक माउंटनवर आग लागली, ज्यामुळे पेर्पिग्नन आणि पूर्व नार्बोन दरम्यानच्या उच्च-व्होल्टेज वीज वाहिनीचे नुकसान झाले. पोर्तुगालच्या राष्ट्रीय वीज कंपनी आरईएनने म्हटले आहे की वीजपुरवठा खंडित होण्याचे हे एक संभाव्य कारण मानले जात आहे.
स्पेनची राजधानी माद्रिद आणि आसपासच्या परिसरात वीज टंचाईमुळे माद्रिद ओपन टेनिस स्पर्धा थांबवण्यात आली आहे. ही एक वार्षिक क्ले कोर्ट स्पर्धा आहे. माध्यमांनुसार, ब्रिटिश टेनिसपटू जेकब फर्नलीला कोर्ट सोडावे लागले. वीजपुरवठा खंडित झाल्यामुळे कोर्टवरील स्कोअरबोर्ड आणि कॅमेरे देखील काम करत नव्हते.
दूरसंचार सेवांसोबतच, स्पेन आणि पोर्तुगालमधील नागरिकांनीही मोबाईल नेटवर्कची उपलब्धता नसल्याची तक्रार केली आहे. याशिवाय, माद्रिदच्या बाराकास आंतरराष्ट्रीय विमानतळावरही वीज संकटाचा परिणाम झाला आहे. दरम्यान, या प्रदेशातील इतर अनेक विमानतळांनीही त्यांचे कामकाज थांबवले आहे.पोर्तुगाल-स्पेनमध्ये अनेक मेट्रो ट्रेन बोगद्यांमध्ये अडकल्या.
युरोन्यूज पोर्तुगालच्या मते, पोर्तुगाल आणि स्पेनच्या राजधान्यांमधील अनेक मेट्रो ट्रेन स्थानकांमधील बोगद्यांमध्ये अडकल्या आहेत. लोक या मेट्रोमध्ये अडकले आहेत. रॉयटर्सच्या म्हणण्यानुसार, पोर्तुगीज पोलिसांनी पुष्टी केली की गाड्या बंद होत्या, पोर्तो आणि लिस्बन दोन्ही ठिकाणी मेट्रो सेवा बंद होत्या आणि देशभरातील वाहतूक सिग्नलवर परिणाम झाला होता.
युरोन्यूज स्पेनने वृत्त दिले आहे की, स्पॅनिश सरकारने मोंक्लोआ येथे आपत्कालीन बैठक बोलावली आहे आणि परिस्थितीवर लक्ष ठेवणे सुरू आहे.
दूरसंचार सेवांसोबतच, स्पेन आणि पोर्तुगालमधील नागरिकांनीही मोबाईल नेटवर्कची उपलब्धता नसल्याची तक्रार केली आहे. याशिवाय, माद्रिदच्या बाराकास आंतरराष्ट्रीय विमानतळावरही वीज संकटाचा परिणाम झाला आहे. दरम्यान, या प्रदेशातील इतर अनेक विमानतळांनीही त्यांचे कामकाज थांबवले आहे.
सायबर हल्ल्याची चौकशी करतोय स्पेन-एका स्पॅनिश अधिकाऱ्याने सांगितले की, मोठ्या प्रमाणात वीजपुरवठा खंडित होण्यामागे सायबर हल्ला होता का? याचा तपास सुरू आहे. पण अद्याप कोणतेही ठोस पुरावे हाती आलेले नाहीत.स्पेनची राजधानी माद्रिद आणि आसपासच्या परिसरात वीज टंचाईमुळे माद्रिद ओपन टेनिस स्पर्धा थांबवण्यात आली आहे. वीजपुरवठा खंडित झाल्यामुळे कोर्टवरील स्कोअरबोर्ड आणि कॅमेरे देखील काम करत नव्हते.
