महागाईने हैराण जनतेचा अंत, हे चोर सरकार पाहत आहे- पुणे शहर कॉंग्रेस अध्यक्ष अरविंद शिंदे …

पुणे- शहर जिल्हा काँग्रेस कमिटीच्या वतीने पेट्रोल, डिझेलच्या सेसची व घरगुती गॅस दरवाढीच्या विरोधात आज बालगंधर्व चौक येथे केंद्र सरकारच्या निषेधार्थ शहराध्यक्ष अरविंद शिंदे यांच्या नेतृत्वाखाली तीव्र आंदोलन करण्यात आले. यावेळी शहराध्यक्ष अरविंद शिंदे म्हणाले की, ‘‘निवडणुकीच्या आगोदर केंद्रातील मोदी सरकारने महागाई कमी करू त्याचप्रमाणे अनेक लोकपयोगी आश्वासने दिली होती. निवडणुक झाल्यानंतर ही सर्व आश्वासने फेल ठरली असून केंद्र सरकार सातत्याने महागाईमध्ये सातत्याने वाढ करून गोरगरीब नागरिकांची हेळसांड करीत आहे. लोकसभा निवडणुकीमध्ये ५०० रूपयात घरगुती गॅस सिलेंडर देणार असे घोषित केले असताना सत्तेत आल्यावर त्यांनी आता पाठ फिरविली आहे ही सामान्य जनतेची फसवणुक व चेष्ठा आहे. जनतेला लालच दाखवून सत्तेत आलेले हे खोटे सरकार आहे. केंद्र व राज्य सरकार निवडणुकीच्या आधी अनेक फसव्‍या योजना जाहिर करतात व त्या बळावर मते मिळवून निवडणुका जिंकतात. निवडुन आल्यावर दिलेला शब्द पाळत नाही. हे खोटारडे सरकार कराचा बोजा सामन्य जनतेकडून वसूल करतात. हे काँग्रेस पक्ष कदापीही सहन करणार नाही. सर्वसामान्यांच्या प्रश्नांसाठी व त्यांच्या हक्कांसाठी काँग्रेस पक्ष रस्त्यावर उतरणार.’’ यावेळी महाराष्ट्र प्रदेश काँग्रेसचे सरचिटणीस ॲड. अभय छाजेड, गोपाळ तिवारी, रफिक शेख, माजी नगरसेकविका लता राजगुरू, युवक अध्यक्ष सौरभ अमराळे, राजेंद्र शिरसाट, अविनाश साळवे, राज अंबिके, नीता रजपूत, प्राची दुधाने, प्रियंका मधाळे, ॲड. राजश्री अडसूळ, अर्चना शहा, प्रियंका रणपिसे, शिवानी माने, शारदा वीर, रेखा जैन, अंजली सोलापूरे, मंदा जाधव, माया डुरे, स्वाती शिंदे, सीमा सावंत, सुंदर ओव्‍हाळ, ज्योती चंदेवळ, अनिता धिमधिमे, यशराज पारखी, गुलाम खान, मुन्ना खंडेलवाल, प्रकाश पवार, अविनाश अडसूळ, जयसिंग भोसले, समीर गांधी, अक्षय जैन, संदिप मोकाटे, संतोष आरडे, ब्लॉक अध्यक्ष अजित जाधव, राजू ठोंबरे, रमेश सकट, हेमंत राजभोज, अक्षय माने, सचिन दुर्गोडे, किशोर मारणे, राजेश मोहिते, राजाभाऊ कदम, लतेंद्र भिंगारे आदी उपस्थित होते.