पुणे विभागातील निम-शहरी आणि ग्रामीण बाजारपेठांमध्ये विमा प्रवेश वाढवण्याच्या उद्देशाने
धोरणात्मक विस्तार
महाराष्ट्र विभागाचा सध्या 2,200 कोटी रुपयांपेक्षा अधिक व्यवसाय पोर्टफोलिओ असून आर्थिक वर्ष
26 मध्ये 20% वाढीचा अंदाज
1,17,000 हून अधिक एजंट्सच्या मजबूत नेटवर्कच्या सहाय्याने संपूर्ण प्रदेशात ग्राहकांपर्यंत पोहोच
आणि समुदायाशी दृढ संबंध निर्माण
स्टार हेल्थ इन्शुरन्सने महाराष्ट्रात 32 लाखांहून अधिक लोकांना आणि पुण्यात 6.8 लाख हून अधिक
लोकांना आरोग्य विम्याचे संरक्षण दिले आहे
Pune, : भारतातील सर्वात मोठी रिटेल हेल्थ इन्शुरन्स कंपनी स्टार हेल्थ अँड अलाइड इन्शुरन्स
कंपनी लिमिटेड (स्टार हेल्थ इन्शुरन्स) ने पुण्यात येरवडा येथे नवीन प्रादेशिक कार्यालयाच्या उद्घाटनासह
महाराष्ट्रातील आपले स्थान आणखी मजबूत केले आहे. हा विस्तार या भागातील निम शहरी आणि ग्रामीण
बाजारपेठांमध्ये आपले स्थान वाढवण्याच्या स्टार हेल्थच्या सुरू असलेल्या प्रयत्नांचा एक भाग आहे. येथे लाखो
कुटुंबांसाठी आरोग्य सेवांसाठी आर्थिक साहाय्याची गरज महत्त्वाची आहे. कंपनी पुणे विभागात ग्राहकांशी
अधिक दृढ नाते निर्माण करण्यावर आणि त्यांचा सहभाग वाढवण्यावर देखील लक्ष केंद्रित करेल.
उद्घाटन प्रसंगी स्टार हेल्थ इन्शुरन्सचे व्यवस्थापकीय संचालक आणि मुख्य कार्यकारी अधिकारी श्री. आनंद रॉय
म्हणाले, “पुणे नेहमीच आमच्यासाठी एक महत्त्वाची बाजारपेठ राहिली आहे आणि आमच्या नवीन प्रादेशिक
कार्यालयाच्या उद्घाटनाने आम्ही या प्रदेशाशी असलेली आमची बांधिलकी अधिक मजबूत करत आहोत.
महाराष्ट्र व्यवसाय आणि दर्जेदार आरोग्य सेवा संरक्षण शोधणाऱ्या व्यक्तींसाठी केंद्र म्हणून विकसित होत
असताना आमचे लक्ष आरोग्य विमा अधिक सुलभ आणि अखंड विना अडथळा करण्यावर आहे. आम्ही IRDAI
च्या ‘सर्वांसाठी विमा’ या दृष्टिकोनाशी सुसंगत आहोत आणि वैद्यकीय आणीबाणीत व्यक्ती आणि कुटुंबांना
आवश्यक आर्थिक सुरक्षा मिळावी यासाठी जागरूकता वाढवून प्रवेश सखोल करण्यासाठी प्रयत्नशील आहोत.
मजबूत स्थानिक टीम आणि ग्राहक-केंद्रित दृष्टिकोनासह, आरोग्य संरक्षणाचा विस्तार आणि या प्रदेशासाठी
आरोग्यदायी, सुरक्षित भविष्य घडवण्याच्या या प्रवासाचा भाग होण्याचा आम्हाला आनंद आहे.”
नवीन प्रादेशिक कार्यालय 13 ते 16, KIA शो रूमच्या वर, पहिला मजला, येरवडा, पुणे – 411006 येथे
स्थित आहे. येथे प्रशासन, दावे, वित्त आणि खाती, रुग्णालय संबंध, शिक्षण आणि विकास, कायदेशीर आणि
विक्री यांसारख्या प्रमुख विभागांतील काम पाहणाऱ्या टीम आहेत. मुंबई वगळता महाराष्ट्रात कंपनीकडे सध्या
2,200 कोटी रुपयांपेक्षा जास्त व्यवसाय पोर्टफोलिओ आहे आणि आर्थिक वर्ष 26 मध्ये 20% वाढ होण्याचा
अंदाज आहे. या विभागाला 1,17,000 पेक्षा जास्त एजंट्सच्या मजबूत नेटवर्कचे पाठबळ आहे. त्यापैकी
बहुतांश एजंटनी ग्रामीण समुदायांच्या आरोग्य विम्याच्या विशिष्ट गरजांवर लक्ष केंद्रित करून प्रशिक्षण घेतलेले
आहे. आर्थिक वर्ष 25 (एप्रिल-डिसेंबर’24) मध्ये, स्टार हेल्थ इन्शुरन्सने महाराष्ट्रात 32 लाखांहून अधिक
लोकांना आणि पुण्यात 6.8 लाखांहून अधिक लोकांना आरोग्य विम्याचे संरक्षण दिले आहे. तसेच येत्या काही
वर्षांत ग्रामीण भागांत विमा संरक्षण वाढवण्याचे महत्त्वाकांक्षी उद्दिष्ट ठेवले आहे. पुण्यात, स्टार हेल्थकडे
जवळपास 470 रुग्णालयांचे नेटवर्क, 20 शाखा आणि 360 कर्मचारी आहेत.पश्चिम महाराष्ट्रातील अनेक खेडी आणि लहान गावांपर्यंत पोहोचण्यासाठी एक प्रवेशद्वार म्हणून कार्य करत पुणे
विभाग स्टार हेल्थच्या ग्रामीण विस्तार धोरणात महत्त्वपूर्ण भूमिका बजावतो. येरवड्यातील नवीन कार्यालय
स्टार हेल्थच्या हिंजवडी, तळेगाव, चाकण आणि इतर विकसीत होत असलेले औद्योगिक कॉरिडॉर आणि
टाउनशिपसह अनेक सेवांपासून वंचित बाजारपेठांपर्यंत पोहोचण्यासाठी धोरणात्मक केंद्र म्हणून काम करेल.
जोडीला शहरी केंद्रांच्या तुलनेत आरोग्य विमा प्रवेश पारंपारिकपणे कमी असलेल्या मावळ, मुळशी, भोर, वेल्हे
आणि जुन्नर तालुक्यांतील लहान गावांमध्ये आरोग्य विमा प्रवेश वाढवेल.
या नवीन प्रादेशिक कार्यालयाच्या उद्घाटनासह स्टार हेल्थ पुणे विभागातील एजंट्स आणि
पॉलिसीधारकांसोबत अधिक वैयक्तिकृत, जवळचे संबंध निर्माण करून ग्राहक सेवा वाढवण्याचा आणि त्यायोगे
त्यांचे म्हणणे ऐकले जाईल, त्यांना महत्त्व दिले जाईल आणि काळजी घेतली जाईल हे सुनिश्चित करण्याचा
प्रयत्न करेल.
