सर्वसामन्यांच्या घरासमोर बॅंड बाजा! मंगेशकर रुग्णालयाला मात्र अभय
पुणे- दीनानाथ रुग्णालयात तनिषा भिसे यांचा मृत्यू होण्याची घटना अतिशय असंवेदनशील आहे. भिसे यांच्या मृत्यूप्रकरणी रुग्णालयाला जबाबदार धरून कारवाई करावी अशी मागणी शरदचंद्र पवार राष्ट्रवादी कोंग्रेस पक्षाच्या खासदार सुप्रिया सुळे यांनी केली. महानगर पालिकेवर संताप व्यक्त करत रुग्णालयाने थकवलेला २७ कोटींचा कर का वसूल करण्यात आला नाही ? असा सवाल देखील सुप्रिया सुळे यांनी व्यक्त केला.दीनानाथ रुग्णालयाने तब्बल २७ कोटी रुपयांचा कर थकवल्याने सुप्रिया सुळे संतापल्या. पालिकेकडे सर्वसामान्य नागरिकांनी कर थकवला तर कर वसूली साठी त्यांच्या घरामोर बॅंड वाजवला जातो. मात्र, दवाखान्याने एवढी मोठी रक्कम थकवून देखील कोणतीच कारवाई करण्यात आली नाही. त्यामुळे या प्रकरणी पालिका आयुक्तांनी गांभीर्याने दखल घ्यावी असे देखील सुप्रिया सुळे म्हणाल्या.
पुणे महागर पालिकेत मतदार संघातील विविध विकसकामांचा आढावा खासदार सुप्रिया सुळे यांनी सोमवारी घेतला. यावेळी त्यांनी पत्रकार परिषद घेत दीनानाथ रुग्णालयात घडलेल्या घटनेप्रकरणी संताप व्यक्त केला. सुप्रिया सुळे म्हणाल्या, भारताल लोकं खूप विश्वासाने आरोग्य सेवेचा लाभ घेण्यासाठी रुग्णालयात जात असतात. आपल्याकडे डॉक्टरांना देव मानतात. कोरोना काळात सर्वांनी याचा अनुभव घेतला आहे. एका हॉस्पिटलमुळे संपूर्ण आरोग्य यंत्रणा ही वाईट ठरत नाही. मात्र, तनिषा यांच्या मृत्यूला दीनानाथ मंगेशकर हॉस्पिटलच जबाबादर आहे. त्यामुळे त्यांच्या मृत्यूची जबाबदारी ही दवाखान्याला घ्यावीच लागले. तसेच सरकारने देखील दवाखान्याला दोषी ठरवून कारवाई करायला हवी. शरद पवार मुख्यमंत्री असताना व श्रीनिवास पाटील कलेक्टर असताना रुग्णालयाल ही जागा दिली गेली. या साठी लता दीदींनी पुढाकार घेतला होता. त्यांच्या प्रयत्नांमुळे रुग्णालयाल ही जमीन देण्यात आली. त्यामुळे हा दवाखाना उभा राहिला. मात्र, या रुग्णालयात गेलेल्या अनेक नागरिकांनी दवाखान्यात येणाऱ्या वागणुकीबद्दल तक्रारी केल्या होत्या. धर्मादाय दवाखाना असल्यामुळे सगळ्यांनी मदतीची भुमिका घेतली. मात्र. घडलेली घटना दुर्दैवी आहे. या दवाखान्याला मंगेशकर कुटुंबियांचे मोठे नाव आहे. मात्र, या प्रकरणात मंगेशकर कुटुंबाची काही चुक नाही, कारण ते त्या हॉस्पिटलच्या प्रशासनात नसून ते केवळ ट्रस्टी आहेत. त्यामुळे आपण त्यांनाही ही घटना गंभीरतेने घेऊन या प्रकरणी कारवाई करण्याची विनंती करू. दीनानाथ मंगेशकरांचं यांच नाव असलेल्या या दवाखान्यात घडलेली ही घटना धक्कादायक आहे, मंगेशकर कुटुंबाचं या देशात मोठं योगदान आह, असे सुळे म्हणाल्या.
