अमेरिकेचे नागरिक महागाईने आणखी हैराण होतील
मुंबई-ट्रम्प यांच्या आयात करामुळे २०२५-२६ मध्ये भारतीय उत्पादनांची अमेरिकेची वार्षिक निर्यात ८५ हजार कोटी रुपयांपर्यंत घटू शकते. भारताच्या जीडीपीवर ०.२ टक्के परिणाम होईल, परंतु भारतात एक वर्षात खाद्यतेल, यंत्रे-इलेक्ट्रॉनिक सामानाच्या किमती घटू शकतात. हे सामान ट्रम्प यांच्या कराचा मारा सोसणाऱ्या देशांतून येते.
एसबीआयच्या ताज्या अहवालानुसार चीन, व्हिएतनाम, थायलंड, तैवानसारख्या देशांतून आयात सामान स्वस्त होईल. हे देश अमेरिकेला पाठवले जाणारे सामान भारतात पाठवू शकतात. कर युद्धामुळे अमेरिकेत महागाई दर २.२ टक्के वाढू शकतो. अमेरिकन अर्थव्यवस्था व बाजारातील घसरण पुढच्या काळात आणखी वाढू शकते. त्यामुळे अमेरिकेला नजीकच्या काळात दिलासा मिळण्याची चिन्हे नाहीत.
भारताच्या रत्ने अलंकार क्षेत्राला सर्वात जास्त फटका बसणार
अभियांत्रिकी साहित्य : इंजिनिअरिंग गुड्स क्षेत्रावर कराचा परिणाम दिसेल. यातून पुरवठादार व्यवस्थेला फटका बसेल. निर्यात महसूल घटेल.
रत्ने-दागिने : जेम अँड ज्वेलरी क्षेत्राला कराचा जास्त परिणाम दिसू शकतो. या क्षेत्राचा कर शून्यावरून २० टक्के केला आहे. अमेरिकेला दरवर्षी भारतात १० अब्ज डॉलर्सचे रत्न व दागिन्यांची निर्यात होते.
कृषी क्षेत्र : या क्षेत्रात भारताची अमेरिकेला निर्यात एप्रिल ते डिसेंबरदरम्यान १.५ अब्ज डॉलर होती. एकूण निर्यातीपैकी ३ टक्के एवढा वाटा आहे. त्यात प्रगती होण्याची शक्यता आहे.
यंदा जगातील निर्यात १.३ टक्क्यापर्यंत घटण्याचा अंदाज
एसबीआयनुसार करामुळे भारताच्या जीडीपीमध्ये ६६ हजार कोटी रुपये (०.२ टक्के) घट. ३ वर्षांत जीडीपीवर ०.५% परिणाम झाला.
जगभरात निर्यात २०२४ मध्ये २.९ टक्के घटली होती. २०२५-२६ ही घसरण १.३ टक्के राहू शकते.
अमेरिकी राष्ट्राध्यक्ष ट्रम्प यांनी कर लावण्याची घोषणा केल्यानंतर पहिल्याच दिवशी शेअर निर्देशांक डाऊ जोन्स ३.९८ टक्के घसरला. एसअँडपी ४.८४ टक्के, नॅस्डॅक-५.९७ टक्के अंकांनी घसरला. जपान, कोरिया, स्वतंत्रपणे हाँगकाँगचा बाजार कोसळला.
डॉलर निर्देशांक १.७ टक्के घसरून १०२ अंकांवर आला. रुपयाची मोठी घसरण झाली.
कोणत्या देशातून येणारा माल स्वस्त हे जाणून घेऊया
चीनवर अमेरिकेने ३४ टक्के कर लादला. भारत खनिज इंधन-तेल आयात चीनमधून करतो. त्याचे दर घटू शकतात.
अहवालानुसार व्हिएतनामवर ४६ टक्के कर लावला. तेथून भारतात मोती, रत्नांसह इतर गोष्टींची आयात होते. त्याचे दर कमी होण्याची शक्यता सांगितली जाते.
तैवानवर अमेरिकेने ३२ टक्के कर लावला आहे. या देशातून भारतात इलेक्ट्रिकल यंत्रे, टीव्ही, साउंड रेकॉर्डरची आयात केली जाते.
स्वित्झर्लंडवर ३२ टक्के कर लावला आहे. तेथून भारतात मेकॅनिकल सामान आयात होते. त्याच्या किमतीही कमी होऊ शकतात.
थायलंडवर ३७ टक्के कर लावला आहे. तेथून भारतात तेलाची आयात केली जाते.
अमेरिकेचे अध्यक्ष डोनाल्ड ट्रम्प यांनी लावलेला १० टक्के बेसलाइन कर भारतासह ६० देशांत शनिवारी लागू झाला. त्यावरून अमेरिका व युरोपात ट्रम्पविरोधी निदर्शने केली जात आहेत. व्यापार युद्धामुळे कोणाचेही भले होणार नाही, असे लोक म्हणून लागले आहेत. अमेरिकेचे नागरिक आधीच महागाईने हैराण झाले आहेत.
ट्रम्प यांनी शनिवारी पुन्हा घोषणा केली. कराला मागे घेणार नाही. ते म्हणाले, अमेरिका आपल्या आर्थिक हितांचे संरक्षण करेल.
त्याच्या उत्तरात चीनने कठोर शब्द वापरले. ट्रम्प कराच्या आडून दादागिरी करत आहेत. आम्ही मागे हटणार नाहीत.
