गणेश पेठेत मॅफेड्रॉन (एम.डी.) विकणाऱ्या सराईतास पकडले,सुमारे ६ लाखाचे MD हस्तगत

पुणे- गणेश पेठेत मॅफेड्रॉन (एम.डी.) विकणाऱ्या सराईतास पोलिसांनी पकडले असून त्याच्याकडून सुमारे ६ लाखाचे MD हस्तगत करण्यात आले आहे बडे सय्यद या नावाने ओळखल्या जाणाऱ्या या आरोपीला पोलिसांनी गजा आड केले आहे.
या संदर्भात पोलिसांनी सांगितले कि,’ पोलीस उप आयुक्त परि. १ संदिपसिंह गिल यांनी हद्दीतील सर्व तपास पथकांना सुचना देवुन अंमली पदार्थ विक्री करणा-याची गुप्त माहीती काढून कठोर कार्यवाही करण्याचे आदेश दिले होते.
त्याप्रमाणे दि.२५/०३/२०२५ रोजी श्रध्दा सोप कंपनीच्या समोर, नाडे गल्ली, गणेश पेठ पुणे येथील सार्वजनिक रोडवर अझहर ऊर्फ बडे सय्यद वय ३१ वर्षे रा. नाडे गल्ली, गणेश पेठ, पुणे हा सदर भागात मॅफेड्रॉन (एमडी) ची छुप्या पद्धतीने विक्री करत असल्याबाबत फरासखाना पोलीस स्टेशनचे पोलीस अंमलदार महेश राठोड व समीर माळवतकर यांना त्याचे बातमीदारामार्फत खात्रीशीर माहीती मिळाल्याने वरिष्ठ पोलीस निरीक्षक प्रशांत भस्मे यांनीं तात्काळ कार्यवाही करण्याचे आदेश दिले.
सदर ठिकाणी जावून सापळा रचुन कार्यवाही केली असता आरोपी अझहर ऊर्फ बडे सय्यद रा.नाडे गल्ली, गणेश पेठ यांचे ताब्यात ५,८७,३००/-रू. कि.चे २९ ग्रॅम वजनाचे मॅफेड्रॉन (एम.डी.) मुद्दे मालजप्त करण्यात आले असून पोलीस अंमलदार महेश राठोड यांनी दिलेल्या तक्रारीवरून फरासखाना पोलीस स्टेशनला गु.र नं. ५८/२०२५ कलम एन. डी. पि. एस. अॅक्ट कलम ८ (क), २२ (ब), २६ अन्वये गुन्हा नोंद करण्यात आला आहे. सदर गुन्हयातील आरोपीस अटक करण्यात आली असून आरोपीने हे एम.डी. कोठून विकत घेतले त्याबाबत तपास सरू आहे. सदर गुन्हयाचा पुढील तपास पोलीस निरीक्षक (गुन्हे) अजित जाधव हे करीत आहेत.
सदरची कामगिरी अपर पोलीस आयुक्त पश्चिम प्रादेशिक विभाग प्रविणकुमार पाटील, पोलीस उप आयुक्त संदिपसिंह गिल, सहा. पोलीस आयुक्त अनुजा देशमाने, यांचे मार्गदर्शनाखाली फरासखाना पोलीस स्टेशनचे वरीष्ठ पोलीस निरीक्षक, प्रशांत भरगे, पोलीस निरीक्षक (गुन्हे) अजित जाधव, सहा. पोलीस निरी. वैभव गायकवाड, पोलीस उप निरी अरविंद शिंदे सहा.पो.फौज. मेहबुब मोकाशी, पोलीस अमंलदार, तानाजी नागंरे, गजानन सोनुने, महेश राठोड, नितीन जाधव, नितीन तेलंगे, प्रविण पासलकर, वैभव स्वामी, विशाल शिंदे, समिर माळवदकर, सुमित खुट्टे, संदिप कांबळे, महेश पवार, शशिकांत ननावरे, चेतन होळकर यांनी केली