तोतया पत्रकारांचा एक ग्रुप शहरातील विविध ब्युटी पार्लर, स्पा मधे घुसून ब्लॅकमेल करत आहे. राजकीय पक्षाचे पदाधिकारी आणि पत्रकार असल्याचे सांगत त्यांनी सहकार नगर मधील एका महिलेस टाँर्चर करून खंडणी मागितली आणि तिचे व्हीडीओ काढले. या महिलेने पोलिसांकडे तक्रार दिल्यानंतर रोहीत वाघमारे, शुभम धनवटे आणि राहुल वाघमारे यांच्याविरुद्ध विनयभंग, Robbery , extortion आणि इतर कलमांन्वये गुन्हा दाखल करण्यात आला आहे.या ग्रुप मधे काही महिला देखील आहेत.
पुणे-आयुर्वेदिक उपचार केंद्रात येणाऱ्या महिलांचे व्हिडिओ चित्रित करून त्यांच्याकडून खंडणी उकळण्याचा प्रकार पुण्यात उजेडात आला आहे. या प्रकरणी सहकारनगर पोलिसांनी 3 आरोपींना अटक केली आहे. आरोपींनी हा गुन्हा पुण्यातील वेगवेगळ्या 7- 8 ठिकाणी केल्याची कबुली केली आहे.राेहित गुरुदत्त वाघमारे (वय-29,रा. वारजे माळवाडी,पुणे), शुभम चांगदेव धनवटे (20,रा. उत्तमनगर, पुणे) व राहुल ज्ञानेश्वर वाघमारे (36,रा. काेथरुड,पुणे) अशी अटक करण्यात आलेल्या आराेपींची नावे आहेत. सदर आराेपींना न्यायालयात हजर केले असता 12 मार्च पर्यंत पाेलिस काेठडी सुनावली आहे.
पोलिसांच्या माहितीनुसार, तीन फेब्रुवारी राेजी दुपारी एक वाजता धनकवडीतील पुण्याईनगर क्लासिक हाईटस तिसरा मजला येथील तेजश्री आयुर्वेदिक उपचार केंद्रात दोन आरोपी आले. त्यांनी आयुर्वेदिक उपचाराची माहिती विचारली. केंद्र चालक महिलेने त्यांना ती दिली. त्यावर संबंधितांना उपचारासाठी काेणते तेल वापरायचे आहे अशी विचारणा केली. त्यावर त्यांनी तिळाचे तेल वापरण्याचे सांगितले. त्या ग्राहकाने त्याचे नाव राेहित वाघमारे सांगून एक तास उपचार घ्यायचा असे सांगितले.
दरम्यान, त्याने महिलेस धमकावून तिच्या अंगावरील टाॅप काढण्यास सांगितले. त्याने मी एका पक्षाचा अध्यक्ष आहे, तू जर मी सांगेल तसे उपचार केले नाहीस तर तुझे आयुर्वेदिक उपचार केंद्र बंद करुन टाकेन असे सांगून जबरदस्तीने उपचार करुन घेतले. त्यानंतर थाेड्या वेळाने आणखी 2 ते 3 जण राेहित वाघमारे याचे साेबत आले व आम्हाला 20 हजार रुपये दे नाहीतर तुझे उपचार करत असताना, नकळत काढलेले व्हिडिओ दाखवून हा व्हिडिओ साेशल मिडियावर व्हायरल करण्याची धमकी दिली. त्यावेळी उपचार केंद्र चालक महिलेकडे पैसे नसल्याने आराेपींनी काऊंटर मधील 800 रुपये जबरदस्तीने नेले.
या गुन्ह्याचा तपास पोलिस निरीक्षक राहुल गाैड यांच्या मार्गदर्शनाखाली सहकारनगर तपास पथकातील सपाेनि सागर पाटील व पाेलिस अंमलदार करत आहेत. त्यांनी तांत्रिक विश्लेषण करुन संशयित आराेपींचा माग काढला. त्यांनी वारजे माळवाडी पाेलिसांच्या मदतीने तीन आराेपींना ताब्यात घेऊन त्यांची सखाेल चाैकशी केली. त्यावेळी त्यांनी अशाप्रकारे पुणे शहरात वेगवेगळया 7 ते 8 ठिकाणी गुन्हा केल्याची माहिती दिली. आराेपी राेहित वाघमारे विराेधात वारजे पाेलिस ठाण्यात यापूर्वी विनयभंगचा गुन्हा दाखल आहे. तर, वाघमारे आणि धनवटे याच्यावर बीड जिल्ह्यातील अंभाेरा पाेलिस ठाण्यात कलम 304 (4) नुसार आणि अहमदनगर जिल्ह्यात पाथर्डी येथे कलम 309 (6)नुसार गुन्हे दाखल आहेत.
