देशभरातील २२ राज्यांमध्ये मोतेवारच्या विरोधात २८ गुन्हे नोंद अन पुण्यात मुक्त वावर
पुणे- सुमारे ५ हजार कोटी रुपयांची अफरातफर केल्याचा आरोप असलेल्या आणि देशभरातील अनेक कारागृहात रवानगी झालेल्या महेश मोतेवारच्या पोलीस केसेसच्या तपासाप्रकरणी आणि न्यायालयीन कामकाजा संदर्भात, जप्तीच्या आणि वसुली व शिक्षेच्या संदर्भात शासकीय स्तरावरून प्रचंड गोपनीयता पाळण्यात येत असून ओडीशा राज्यातील कटक कारागृहात आठ वर्षांपासून मोतेवार शिक्षा भोगत आहे. काही दिवसांपूर्वीच तो जामिनावर बाहेर आल्याची माहिती काही माध्यमांनी दिलीय. दरम्यान छत्रपती शिवाजी महाराजांच्याबद्दल अपशब्द वापरणाऱ्या आणि इतिहासकार इंद्रजीत सावंतांना धमकी देणाऱ्या प्रशांत कोरटकरचा घोटाळेबाज ‘समृद्ध जीवन’च्या महेश मोतेवारशी कनेक्शन असल्याचं उघड झाल्याने महेश मोतेवार पुन्हा चर्चेत आला असून आहे.विशेष म्हणजे एका रोल्स रॉयस कारमुळं हा प्रकार समोर आला आहे.
प्रशांत कोरटकर याच्याकडं आलिशान रोल्स रॉईस कार आहे. या कारमध्ये फिरतानाचे फोटो आणि व्हिडीओ त्यानं स्वतः सोशल मीडीयावर शेअर केले आहेत. पण आश्चर्य म्हणजे ही रोल्स रॉईस कार चीट फंड घोटाळ्यात हजारो नागरिकांना कोट्यवधींचा गंडा घालणाऱ्या महेश मोतेवारच्या मालकीची आहे. महेश मोतेवारच्या ‘समृद्ध जीवन फूडस इंडिया लिमिटेड’ या कंपनीच्या नावावर आरटीओमध्ये या रोल्सरॉईसची नोंद आहे.प्रशांत कोरटकर याच्याकडं आलिशान रोल्स रॉईस कार आहे. या कारमध्ये फिरतानाचे फोटो आणि व्हिडीओ त्यानं स्वतः सोशल मीडीयावर शेअर केले आहेत. पण आश्चर्य म्हणजे ही रोल्स रॉईस कार चीट फंड घोटाळ्यात हजारो नागरिकांना कोट्यवधींचा गंडा घालणाऱ्या महेश मोतेवारच्या मालकीची आहे. महेश मोतेवारच्या ‘समृद्ध जीवन फूडस इंडिया लिमिटेड’ या कंपनीच्या नावावर आरटीओमध्ये या रोल्सरॉईसची नोंद आहे.दरम्यान, देशभरातील साडेचार लाख गुंतवणूकदारांना ज्यादा परताव्याचं अमिष दाखवून तब्बल ४,७०० कोटी रुपयांची फसवणूक केल्याचा मोतेवारवर आरोप आहे. डिसेंबर २०१५ मध्ये महाराष्ट्र पोलिसांनी मोतेवारला अटक केली होती. त्यानंतर देशभरातील २२ वेगवेगळ्या राज्यांमध्ये मोतेवारच्या विरोधात २८ गुन्हे नोंद झाले आहेत. त्यानंतर मोतेवारच्या मालमत्ता जप्त करण्यात आल्या आणि त्यांचे लिलाव करण्यात आले. मोतेवारच्या जमिनी आणि वाहनांचा देखील लिलाव करण्यात आला. मात्र, मोतेवारकडे असलेली रोल्स रॉईस कार प्रशांत कोरटकर चालवत असल्याचं दिसून आलं आहे. ही रोल्स रॉईस मोतेवारच्या ‘समृद्ध जीवन फुड्स इंडिया लिमिटेड या कंपनीच्या नावे आहे.
‘WB 02 AB 0123’ असा या गाडीचा नंबर आहे. रोल्स रॉइसच्या या घोस्ट मॉडेलची किंमत ७ ते ८ कोटी आहे. महेश मोतेवारवर नंतर ‘सीबीआय’नं देखील कारवाई केली. असे वृत्त काही माध्यमांनी दिले आहे.
