स्वारगेट अत्याचार प्रकरणातील नराधमाला पोलिसांनी ठोकल्या बेड्या

पुणे – पुणे स्वारगेट अत्याचार प्रकरणातील नराधमाला आज रात्री दीडच्या सुमारास अटक पुण्यातील शिरूर तालुक्यातील एका गावातून पुणे पोलिसांनी बेड्या घालून पुण्यात आणले आहे.100 पोलिस, श्वान पथक आणि ड्रोन कॅमेराची नजर, तरीही नराधम दत्ता गाडे पोलिसांना सापडत नव्हता,पुण्यात शिवशाही बसमध्ये तरुणीवर बलात्कार झाला आणि अवघा महाराष्ट्र हादरला. आरोपीला शोधण्यासाठी पोलिसांची टीम कामाला लागली.गुनाट गावात 100 पोलिसांचं विशेष पथकाने शोध सुरू केला. श्वान पथकाकडूनही शोध सुरू झाला. पाच ड्रोन्सच्या सहाय्याने… क्राईम ब्रँचचे पोलिसही कामाला लागले. बलात्कार करून पळून जाणारा गाडे एका घरात पाणी पिण्यासाठी थांबला होता ही माहितीसुद्धा समोर आली होती .पोलिसांनी दत्तात्रय गाडेच्या 10 मित्र-मैत्रिणींची चौकशी केली. गाडेची माहिती देणाऱ्यांना एक लाखांचं बक्षीस जाहीर केलं.असे असूनही आणि एवढा आटापिटा करूनही दत्ता गाडे मात्र पोलिसांच्या हाती लागत नसल्याने टीकेचा भडीमार होत होता तर पोलिसांचा बचाव करताना गृहराज्यमंत्री योगेश कदम यांनी केलेल्या एका वक्तव्यामुळे वाद पेटण्याची शक्यता दिसत होती . दुसरीकडे आता या घटनेनंतर परिवहन खातं खडबडून जागं झाल्याचं दिसलं .शिरुरच्या गुनाट गावात 140 पोलिसांचा ताफा तैनात असून आरोपीचा शोध घेतला गेला . ऊसाच्या शेतात आरोपीचा शोध घेतला . तर ड्रोनच्या नजरेतूनही आरोपीला शोधलं गेल . पुणे पोलिसांच्या गुन्हे शाखेची आठ ते दहा पथके आरोपीच्या मागावर राहिली . दरम्यान व्हिडीओत दिसणाऱ्या या घरात आरोपीने पाणी प्यायलं होतं. इथे तो काही वेळ थांबला होता. त्यानंतर तो बेपत्ता झालाय. दरम्यान या परिसरात पोलिसांनी शोधमोहिम केली मात्र अंधार पडल्याने आणि बिबट्याच्या वावरामुळे पोलिसांना शोधमोहीम थांबवावी लागली . आणि रिकाम्या हाती परतावं लागेल असे वाटत असताना तो हाती लागला .कसा ते आता पोलीस आयुक्त आज पत्रकार परिषद घेऊन सांगणार आहेत .