पुणे-
उद्धव बाळासाहेब ठाकरे गटाचे संजय राऊत हे एकनाथ शिंदेच्या शिवसेनेच्या नेत्या डॉ. निलमताई गोऱ्हे यांच्याविषयी अश्लाघ्य भाषेत बरळले असून एका महिला भगिनीचा संजय राऊत याने अपमान केला आहे.असा आरोप करत संजय राऊत यांच्या निषेधार्थ आज अलका टॉकीज चौक, डेक्कन येथे निषेध आंदोलन करण्यात आले. असंख्य घोषणांनी शिवसेनेच्या वतीने संजय राऊत यांचा निषेध करण्यात आला.संजय राऊत कायम खालच्या पातळीवर जाऊन अश्लाघ्य भाषेत टीका करत असतात. उबाठाच्या या वाचाळवीर संजय राऊत ला वेळीच आवर घाला नाहीतर यापुढे जर शिवसेनेच्या नेत्यांवर अश्लाघ्य भाषेत काही बोलला तर प्रत्येक निष्ठावंत शिवसैनिक संजय राऊतला महाराष्ट्रात कुठेही फिरू देणार नाही.असाही इशारा यावेळी देण्यात आला
या निषेध आंदोलनात शिवसेनेचे पुणे शहर प्रमुख प्रमोद नाना भानगिरे, बारामतीचे जिल्हाप्रमुख सुरेंद्र जेवरे, महिला आघाडी सहसंपर्कप्रमुख सुदर्शना ताई त्रिगुनाईत,उपशहर प्रमुख विकास भांबुरे, शहर संघटक श्रीकांत पुजारी,आकाश रेणुसे, युवराज शिंगाडे,मार्तंडराज धुंदुके, कामगार सेना शहर प्रमुख संदीप शिंदे,गणेश काची,निलेश जगताप,श्रुतीताई नाझीरकर, रंजना कुलकर्णी, चैत्राली गुरव व शिवसेनेचे पदाधिकारी, महिला आघाडी, युवासेना,अंगिकृत संघटनांचे पदाधिकारी, शिवसैनिक मोठ्या संख्येने उपस्थित होते.
