मुंबई : ठाकरेंच्या शिवसेनेत दोन मर्सिडीज दिल्या की एक पद मिळायचं असं खळबळजनक वक्तव्य शिवसेना शिंदे गटाच्या नेत्या डॉ. नीलम गोऱ्हे यांनी केलं. त्यांच्या या वक्तव्यानंतर राज्यात ठाकरे सेनेमध्ये संतापाची लाट उसळली आहे.नीलम गोऱ्हेंनी 9 पदं भोगली, मग 18 मर्सिडीजचा हिशोब महाराष्ट्रासमोर मांडावा असं ओपन चॅलेंज ठाकरेंच्या नेत्याने दिलं आहे.शिवसेना ठाकरे गटाचे राज्य संघटक अखिल चित्रे यांनी ट्विट करत गोऱ्हे यांच्यावर संताप व्यक्त केला आहे. त्यांनी हे ट्विट त्यांना टॅगदेखील केलं आहे.
https://x.com/akhil1485/status/1893588607891653077?t=sbmZWz7PvbZSQQ50BJa1Sg&s=19
आजपर्यंत डॉ. नीलम गोऱ्हे यांनी ९ पदांसाठी १८ मर्सिडीज दिल्या… म्हणजे @neelamgorhe ह्या गाड्या देऊन पदं मिळवत होत्या असं मानावं का? असा सवाल अखिल चित्रे यांनी उपस्थित केला आहे.
आजपर्यंत डॉ. नीलम गोऱ्हे यांनी ९ पदांसाठी १८ मर्सिडीज दिल्या… म्हणजे @neelamgorhe ह्या गाड्या देऊन पदं मिळवत होत्या असं मानावं का? म्हणजे हि पदं त्यांनी स्व-कर्तृत्वावर मिळवली नव्हती ! कृपया महाराष्ट्राने दखल घ्यावी.कारण
२००२ : महाराष्ट्र विधान परिषद सदस्य म्हणून निवड (पहिला कार्यकाल)
२००८ : महाराष्ट्र विधान परिषद सदस्य म्हणून पुनर्निवड (दुसरा कार्यकाल)
२०१० : शिवसेना पक्षाचे प्रवक्ते
२०११ पासून: शिवसेना उपनेते
२०१४ : महाराष्ट्र विधान परिषद सदस्य म्हणून पुनर्निवड (तिसरा कार्यकाल)
२०१५: विशेष हक्क समिती (विशेष हक्क समिती) अध्यक्ष, महाराष्ट्र विधान मंडळ
२०१९: महाराष्ट्र विधान परिषदचे उपसभापती म्हणून निवड
२०२०: महाराष्ट्र विधान परिषद सदस्य म्हणून पुनर्निवड (चौथा कार्यकाल)
२०२०: महाराष्ट्र विधान परिषद उपसभापती म्हणून पुनर्निवड ते आजतागायत
नीलम ताई तुम्ही म्हणता १ पदासाठी शिवसेनेत २ मर्सिडीज द्यावी लागतात मग वरील ९ पदांसाठी तुम्ही दिलेल्या १८ मर्सिडीजची माहिती महाराष्ट्रासमोर मांडू शकलात तर बरं होईल. २२ फेब्रुवारी १९९८ रोजी म्हणजे बरोबर २७ वर्षांपूर्वी डॉ. नीलम गोऱ्हे यांनी शिवसेनेत प्रवेश केला. उद्धवजींच्या कार्यकाळात इतकं मिळूनही अन्याय म्हणत असाल तर तुम्हाला साहित्याची पार्श्वभूमी आहे म्हणून सांगतो ‘हा शुद्ध कृतघ्नपणा आहे’ !
