पुणे:
दिनांक 13 फेब्रुवारी 2025 रोजी कोरेगाव पार्क येथील जर्मन बेकरी येथे शहिदांसाठी श्रद्धांजली चा कार्यक्रम घेण्यात आला.
अतिरेक्यांनी भयानक बॉम्ब ब्लास्ट घडवून आणला होता या घटनेला येत्या 13 तारखेला पंधरा वर्षे झाली . दरवर्षी कोरेगाव पार्कचे नागरिक आणि सामजिक कार्यकर्ते या बॉम्ब हल्ल्यात मृत्युमुखी पडलेल्या सर्व शहिदांना श्रद्धांजली वाहतात . आजच्या श्रद्धांजली सभेमध्ये स्थानिक नागरिकांनी मेणबत्त्या लावून या सर्व शहिदांना श्रद्धांजली दिली.
या श्रद्धांजली सभेसाठी माजी गृहराज्यमंत्री आमदार रमेश बागवे, तसेच त्या घटनेच्या वेळेसचे कोरेगाव पार्कचे पोलीस निरीक्षक नाडगोडा सर, कोरेगाव पार्क पोलीस स्टेशनचे वरिष्ठ पोलीस निरीक्षक सुनील थोपटे, तसेच क्राइम पीआय चेतन मोरे , माजी नगरसेवक बाबू वागस्कर, उमेश गायकवाड, भगवान वैराट,स्वाती शरद मोहोळ ,अभिजीत वाकचौरे, गणेश लांडगे. मिलिंद गायकवाड, बेकरीचे मालक शंकर भाऊ खरोसे, मनोज खरोसे, जनार्दन बोया, हर्ष तिवारी.पूर्णिमा लूनावत, तसेच अशोक वाकचौरे साहेब,आणि तेथील स्थानिक नागरिक महिला भगिनी उपस्थित होते. सर्वांनी या कार्यक्रमास मेणबत्ती लावून श्रद्धांजली दिली.मेरे अपने संस्थेचे बाळासाहेब रुणवाल तसेच शबनम खान यांनी आज एकदिवसीय उपोषण करत या भ्याड हल्याचा निषेध केला.१३ फेब्रुवारी २०१० साली इंडियन मुजाहिदीन या दहशतवादी संघटनेच्या यासीन भटकळ, हिमायत बेग आदी दहशतवाद्यांनी पुण्यातील बॉम्बस्फोट घडवून आणला होता. या स्फोटात १७ जणांचा मृत्यु झाला होता. तर, ५६ जण जखमी झाले होते. या वर्षी या हल्याला १५ वर्ष पूर्ण होत आहेत. त्यानिमित्त एकदिवशीय उपोषण तसेच मौन ठेऊन निषेध करण्यात आला. हॅालंडच्या शूनयाम यांचे सहकारी या हल्ल्यात मरण पावले होते. त्यांच्या हस्ते सकाळी पुष्पांजली अर्पण करून हा कार्यक्रम सुरू करण्यात आला. कोरेगावपार्क पोलीस ठाण्याचे वरिष्ठ पोलीस निरीक्षक सुनील थोपटे यांच्या हस्ते लिंबू पाणी पिऊन रुणवाल तसेच खान यांनी उपोषण सोडले.
गेली १४ वर्षे अविरतपणे पुणेकरांकडून हल्यातील मृतांना आदरांजली वाहण्यात येते. त्याप्रमाणे यावर्षीही सकाळी १० ते सायंकाळी ८ यावेळेत उपस्थित राहून या दहशतवादी कृत्याचा निषेध व्यक्त करावा, असे आवाहन रुणवाल, कॅटलिस्ट फाउंडेशनचे अध्यक्ष सुनील माने, दलित सेना संस्थेचे अध्यक्ष सुनील यादव, डॉ. मानसी जाधव, जर्मन बेकरीच्या स्नेहल खरोसे यांच्यावतीने करण्यात आले होते. या अवाहनाला प्रतिसाद देत, अनेक पुणेकरांनी दिवसभर जर्मन बेकरी परिसरात भेट देऊन मृतांना आदरांजली वाहिली. यावेळी सुजित यादव, हरीश काकडे, पोहाज शेख, जनार्दन जगताप यांच्यासह अनेक मान्यवर यावेळी उपस्थित होते.
